Gi den wan switikon

Suma wi musu gi wan switikon? Iniwan sma di e kon na den konmakandra fu wi. A kan de wan sma di kon a fosi leisi noso sma di wi sabi bun langa kaba (Ro 15:7; Heb 13:2). A kan de wan brada noso sisa fu wan tra kondre noso wan Kresten di no e preiki moro èn di kon na den konmakandra baka omeni yari. Prakseri fa yu ben o firi efu yu ben de na ini so wan situwâsi. Yu no ben o breiti efu trawan kon taki switi nanga yu? (Mt 7:12) Sobun, te yu de na ini a Kownukondre zaal, du muiti fu opo go taki nanga trawan fosi a konmakandra bigin noso baka dati. Disi o meki taki ala sma e firi taki lobi de na ini a gemeente èn a o meki taki Yehovah kisi grani (Mt 5:16). A tru taki yu no o man taki nanga ala sma di kon na wan konmakandra. Toku ala sma o breiti fu de na den konmakandra efu den e si taki wi e sori switifasi.a

A no na spesrutu okasi wawan soleki a Memrefesa wi musu sori switifasi, ma wi musu du disi ala ten. Te nyun sma si taki wi e sori lobi gi makandra, dan kande dati o meki taki den prèise Gado èn taki den kon dini en tu.​—Yoh 13:35.