„Lespeki yu papa nanga yu mama”

Di Yesus ben de na grontapu, a taigi sma a prenspari sani disi: „Lespeki yu papa nanga yu mama (Eks 20:12; Mt 15:4). A no de fu taki dati Yesus ben man taigi sma a sani dati fu di a ben ’tan saka ensrefi na ondro’ en papa nanga mama di a ben moro yongu (Lu 2:51). Di a tron wan bigisma dan a sorgu taki wan sma ben o luku en mama, baka te a dede.—Yoh 19:26, 27.

Na ini a ten disi, Kresten yonguwan di e gi grani na den papa nanga mama e gi yesi na den èn den e taki na wan lespeki fasi nanga den. Fu taki en leti, yonguwan musu lespeki den papa nanga mama ala ten. Awinsi wi papa nanga mama kon owru, toku wi kan tan kisi wini fu a koni fu den. Na so wi e sori taki wi e lespeki den (Odo 23:22). Wi e gi grani tu na wi papa nanga mama di kon owru te wi e hori den firi fu den na prakseri èn te wi e sorgu gi den (1Ti 5:8). Awinsi wi yongu noso owru, toku wi musu taki nanga wi papa nanga mama fu man frustan makandra bun. Na so wi e sori taki wi e lespeki den.

LUKU A TEKENFELEM FA MI MUSU TAKI NANGA MI PAPA NANGA MAMA? BAKA DATI PIKI DEN AKSI DISI:

• Fu san ede a kan muilek gi yu fu taki nanga yu papa nanga mama?

• Te yu e taki nanga yu papa nanga mama, dan fa yu kan sori lespeki gi den?

  

• Fu san ede a bun te yu e meki muiti fu taki nanga yu papa nanga mama? (Odo 15:22)