Fa fu preiki moro bun​—Yepi ’den wan di abi a yoisti denki’ fu tron disipel

FU SAN EDE A PRENSPARI: Yehovah na a sma di e meki den tru tori fu Bijbel teki rutu na ini na ati fu ’den wan di abi a yoisti denki’ (Tor 13:48; 1Kor 3:7). Te wi e du ala muiti fu yepi den wan di e gi yesi na a bun nyunsu, dan wi e wroko makandra nanga Yehovah (1Kor 9:26). Den Bijbelstudie fu wi musu frustan taki den musu dopu leki Kresten fu man kisi frulusu (1Pe 3:21). Wi musu yepi den fu tyari kenki kon na ini den libi, fu preiki gi sma, fu gi sma leri èn fu gi den libi abra na Yehovah. Na so wi e yepi den fu tron disipel.​—Mt 28:19, 20.

FA FU DU DATI:

• Meki den Bijbelstudie frustan taki yu e studeri nanga den fu yepi den fu „leri sabi” Yehovah èn fu du a wani fu en. ​—Yoh 17:3

• Yepi den fu go na fesi na ini na anbegi. Leri den fu tapu nanga takru gwenti èn fu no abi takru mati

• Tranga a bribi fu den èn gi den deki-ati fosi den dopu èn baka te den dopu.​—Tor 14:22

LUKU A FELEM YEHOVAH GADO O YEPI YU. BAKA DATI, PIKI DEN AKSI DISI:

• Fu san ede son sma e frede fu gi densrefi abra na Gado èn fu dopu?

• Fa owruman kan yepi Bijbelstudie fu go na fesi na ini na anbegi?

• San Yesaya 41:10 e leri wi fu Yehovah?

• Sortu fasi wi musu abi so taki Yehovah kan feni wi bun, aladi wi na sondusma?