Yonguwan, „de fayafaya fu du bun sani”

Na ini a brifi di na apostel Paulus ben skrifi gi Titus, a ben gi Titus nanga tra yongu brada a rai disi: „Na ala fasi yu musu de wan eksempre gi sma te yu e du bun sani” (Tit 2:6, 7). Moro fara na ini a srefi kapitel disi, a taki dati Yesus ben o krin a pipel fu Yehovah, so taki den ben kan „de fayafaya fu du bun sani” (Tit 2:14). Wan fu den bun sani dati na te wi e preiki èn e leri sma sani fu Gado Kownukondre. Efu yu na wan yonguwan, dan yu kan gebroiki yu krakti fu dini leki yepipionier noso gewoon pionier?​—Odo 20:29.

Efu yu wani tron wan pionier, dan sorgu taki yu seti sani na so wan fasi taki yu man tron en tu (Lu 14:28-30). Aksi yusrefi: ’Fa mi o sorgu misrefi te mi e pionier? Fa mi o doro den yuru fu mi?’ Begi Yehovah fu a tori disi (Ps 37:5). Taki nanga yu papa nanga mama èn nanga pionier di abi bun bakapisi. Baka dati, du san yu abi na prakseri fu du. A de seiker taki Yehovah o blesi a muiti di yu e du na ini a diniwroko fu en!

LUKU A FELEM YONGUWAN DI E GI YEHOVAH GRANI. BAKA DATI, PIKI DEN AKSI DISI:

• San ben meki en muilek gi son yonguwan fu pionier, ma sortu kenki den tyari kon?

• Fa papa nanga mama kan yepi den pikin fu den fu tron gewoon pionier?

• Fu san ede a prenspari fu abi wan bun preikiwroko schema?

• Fa brada nanga sisa na ini a gemeente kan yepi wan pionier èn gi en deki-ati?

• Sortu blesi pionier e kisi?