Prèise Yehovah leki pionier

Den Israelsma ben abi bun reide fu prèise Yehovah. A ben frulusu den èn a tyari den komoto fu Egepte (Eks 15:1, 2). Yehovah e tan du bun gi en pipel. Fa wi kan sori taki wi de nanga tangi?​—Ps 116:12.

Wan fasi fa wi kan du dati na te wi e dini leki yepi pionier noso gewoon pionier. Yu kan begi Yehovah fu gi yu a firi èn a krakti fu du a wroko disi (Fp 2:13). Furu brada nanga sisa e bigin fosi nanga a yepi pionierwroko. Yu kan bosroiti fu wroko 30 noso 50 yuru na ini den mun maart nanga april, noso na ini den mun te a kring owruman kon fisiti yu gemeente. Kande yu o wani tron wan gewoon pionier baka te yu firi o switi a de fu du a wroko disi. Srefi den wan di e wroko heri wiki noso trawan di no de so gosontu, man dini leki gewoon pionier (mwb16.07 8). A no de fu taki dati wi musu du ala san wi man fu prèise Yehovah.​—1Kr 16:25.

LUKU A FELEM DRI SISA NA INI MONGOLIA. BAKA DATI, PIKI DEN AKSI DISI:

• 

  Sortu problema den dri sisa ben kisi èn san den du fu kan pionier?

• 

  Sortu blesi den kisi?

• 

  Sortu okasi den kisi di den tan du a pionier wroko?

• 

  Sortu krakti na eksempre fu den ben abi tapu trawan?