Den blesi foe a pionierwroko
1 „Disi ben de den dri moro kolokoe jari foe mi libi.” „Mi moro bigi blesi de na njoen banti di kon moro tranga, di mi abi nanga Jehovah.” „A moen di psa na a fosi tron di mi ben proberi en, èn mi ben wani taki mi ben proberi en a fesi kaba . . . mi ben ondrofeni troetroe prisiri nanga vréde foe geest.” Disi na kommentaar foe son wan di ben tesi den blesi foe na gewone èn na jepi pionierdienst.
2 Den sortoe kommentaar dati no de ongewoon efoe joe hori na prakseri san skrifi na ini 2 Korintesma 9:6: „Soema e sai hipihipi, sa koti hipihipi.” Den sma di e doe moro ini na dienst sa koti, a no kan tra fasi, moro bigi prisiri èn blesi (Tori. 20:35). Son wan di no de na ini na okasi dati den kan doro den joeroe di den e aksi foe wan gewone pionier, e sreka den afersi na so wan fasi dati ibri moen den kan de na ini na jepi pionierdienst. Tra wan e sreka sani na so wan fasi taki so meni leki a kan den e doe dienst leki jepi pionier. Jepi pionier nofotron e miti so meni sma di abi belangstelling na ini na wán moen nomo dati difrenti moen bakamakandra den de druk bezig nanga gobaka nanga bijbelstudie.
3 Na wan sosrefi fasi trawan, di aladi den no man go na ini na jepi pionierdienst, ben si kans foe meki den prati ini na dienst kon moro bigi. Foe di den e ’sai hipihipi’, den e koti foeroe blesi.
SORTOE BLESI?
4 Baka di a ben de wan heri jari ini na jepi pionierdienst, wan brada ben skrifi na Genootschap wan brifi foe taki tangi foe na dekati di a ben kisi foe go na ini a dienst disi. Nanga di a ben e skrifi foe na prisiri nanga den winimarki di a ben kisi nanga disi a ben taki: „Mi ben kisi moro fertrow na ini misrefi na den doro èn mi ben tron wan moro betre leriman . . . A moro bigi prisiri e kon foe na studeri foe na bijbel nanga tra sma.”
5 Gewone pionier ben kisi densrefi sortoe ondrofeni disi. Wan sisa ben taki: „Mi de pas wan pikinso moro leki wan jari ini na gewone pionierdienst. Ini a ten dati Jehovah geest di e tjari joe ben meki mi bribi kon moro bigi foe troe. . . . Efoe a ten di psa mi ben sabi sortoe prisiri wan foeroeten prékiman e abi foe na boen njoensoe, mi ben o go moro esi na ini a gewone pionierdienst.” Wan tra pionier ben taki: „A ben jepi mi foe teki bosroiti na wan balansfasi, wan sani san mi no ben doe fosten noiti. Efoe mi ben kon tanapoe na fesi foe troetroe hebi bosroiti, mi ben e aksi misrefi: Fa a sa wroko tapoe mi pioniersdienst? Ibritron mi ben e kisi na piki moro makriki. Na pionierdienst ben jepi mi foe si o troe den wortoe foe Tori foe den Apostel 20:35 de.”
6 Na Pionierskoro de ete wan ségi di de gi den di de no moro mendri leki wan jari ini a gewone pionierdienst. San den di ben go na a skoro e taki? „Mi ben feni en wan hémarki ini mi pionierdiniwroko.” „Mi ben leri troetroe fa foe studeri, prakseri dipi foe sani èn gebroiki mi ten na moro ferstanfasi.” „A skoro ben jepi mi foe fertrow moro tapoe Jehovah èn foe si na fanowdoe foe tan de bezig nanga en wroko.” „Mi abi na firi taki mi abi wan kefarlek boen fundamenti foe bigin foe bow a tapoe. Soleki fa a de, dan a no kan taki wi gebroiki ala den bodoi wantron, ma fa disi de wan jeje fesanjantafra foe san wi kan tan njan go doro foe en. A gi oenoe troetroe krakti foe feti tége lasi-ati!”
JOE KAN DE WAN GEWOON PIONIER?
7 Efoe joe ben e doe wroko geregeld leki wan jepi pionier, dan a moesoe de so taki joe ben kenki joe schema pikinso èn kande joe fasi foe libi te na wan séker marki. Joe no ben feni taki den kenki disi ben warti a moeiti, te joe agersi den nanga den blesi di joe ben kisi? Efoe joe ben meki joe schema kon moro boen joe ben sa man foe poti moro ten ini a dienst ibri dé èn bigin wroko leki wan gewone pionier ini september èn oktober? Wi wani gi oenoe na dek’ati foe meki disi tron wan sani foe prakseri en ondro begi.