Fa fu preiki moro bun​—Fiti yusrefi

FU SAN EDE A PRENSPARI: Den salfuwan nanga den tra skapu e gi ala sortu sma wan kari fu „kon dringi fu a watra di e gi libi èn di de fu kisi fu soso” (Opb 22:17). A watra disi e prenki ala den sani di Yehovah seti fu frulusu reti-ati libisma fu sondu nanga dede. Fu di wi musu preiki a „têgo bun nyunsu” gi sma di abi difrenti gwenti nanga bribi, meki wi musu tyari a boskopu na so wan fasi taki a e hari den prakseri.​—Opb 14:6.

FA FU DU DATI:

• Gebroiki wan tori èn wan tekst di o naki na ati fu sma na ini yu gebied. Yu kan gebroiki wan fu den eksempre di e sori fa fu hori wan takimakandra, noso yu kan taki fu wan sani di ben hari sma prakseri kaba. Sortu tori nanga Bijbeltekst e hari a prakseri fu sma? Wan sani bari na nyunsu no so langa pasa di e hari furu sma prakseri? Sortu tori moro bun fu taki nanga wan man noso wan uma?

• Taki den sma odi èn taki nanga den na a fasi fa den gwenti du dati na ini a gebied fu yu.​—2Kor 6:3, 4

• Sabi sortu buku nanga felem na ini wi Teaching Toolbox yu kan gebroiki gi sma di wani sabi moro

• Download buku nanga felem na ini a tongo fu den sma di yu kan miti na ini a gebied fu yu

• Kenki a tori di yu ben o taki te yu e si taki na ososma wani taki fu wan tra sani (1Kor 9:19-23). Fu eksempre, san yu ben kan taki efu yu kon sabi taki wan sma fu na ososma dede no so langa pasa?

LUKU A FELEM ÈN BAKA DATI PIKI DEN AKSI DISI:

• Fu sortu tori a preikiman bigin taki nanga na ososma?

• San ben e pasa na ini a libi fu na ososma?

• Sortuwan fu den Bijbeltekst ben o moro bun na a takimakandra disi, èn fu san ede?

• Fa yu e fiti den sani di yu wani taki na den sma na ini yu gebied?