San a Paskafesa wani taki gi Kresten

12:5-7, 12, 13, 24-27

Efu den Israelsma no ben wani a di fu tin rampu miti den, dan den ben musu du san Yehovah taki (Eks 12:28). Den osofamiri ben musu kon makandra na ini  den eigi oso na a neti fu 14 Nisan. Den ben musu srakti wan gosontu manskapu noso wan bokoboko di ben owru wán yari. Den ben musu natinati tapusei fu a doro èn den doropostu nanga a brudu fu en. Baka dati den ben musu losi a meti na ini faya èn nyan en wantewante. Nowan sma ben musu komoto na ini en oso solanga mamanten no doro.​—Eks 12:9-11, 22.

Fa wi kan kisi kibri te wi e gi yesi na ini a ten disi?