Wi e sori taki wi abi lobi te wi e horibaka gi Yehovah

Te wan sma puru fu a gemeente dan disi na fu kibri a gemeente èn fu piri-ai gi a sma di no abi berow (1Kor 5:6, 11). Te wi e horibaka gi Yehovah na fasi disi, dan wi e sori lobi. Ma fa wi e sori lobi te wi e hori wisrefi na a wet disi?

Na a fosi presi, Yehovah santa. Wi lobi en èn wi no wani taki a kisi porinen (1Pe 1:14-16). Wi e sori lobi tu gi a sma di puru fu a gemeente. Te wan sma e kisi strafu, a kan hati srefisrefi. Ma bakaten a kan kisi ’blesi di e tyari freide kon èn a o du san reti’ (Heb 12:5, 6, 11). Efu wi e moksi nanga wan sma di sluit uit noso di hari ensrefi puru fu a gemeente, dan a de neleki wi e tapu Yehovah fu gi a sma piri-ai. Hori na prakseri taki te Yehovah e piri-ai gi en pipel, dan a e gi den ’a strafu di den musu kisi’ (Yer 30:11). Wi e howpu taki a sma drai kon baka na wi lobi-ati Papa Yehovah. Ma solanga dati no pasa ete, wi o tan horibaka gi Yehovah. Wi o du ala sani fu tan wan bun mati fu en.​—Yes 1:16-18; 55:7.

LUKU A FELEM TAI HORI NA YEHOVAH NANGA YU HERI ATI. BAKA DATI PIKI DEN AKSI DISI:

• 

  Fa Kresten papa nanga mama e firi te wan pikin fu den gowe libi Yehovah?

• 

  Fa a gemeente kan horibaka gi den osofamiri disi?

• 

  Sortu tori na ini Bijbel e leri wi taki a prenspari fu tai hori na Yehovah na presi fu wi famiri?

• 

  Fa wi kan sori taki wi e tai hori na Yehovah na presi fu wi famiri?