Prati a bun nyunsu taki wan nyun grontapu e kon!

Na ini november, wi o du ala muiti fu prati a bun nyunsu taki wan moro bun grontapu e kon (Ps 37:10, 11; Opb 21:3-5). Seti yu schema na so wan fasi taki yu kan teki prati na a spesrutu wroko disi. Efu yu wani go na ini a yepipionier wroko a mun dati, dan yu kan wroko 30 noso 50 yuru.

Taki nanga so furu sma leki yu man, fu Bijbeltekst di e taki fu a nyun grontapu. Te yu o luku sortu tekst yu o gebroiki, dan hori den sma fu a kontren fu yu na prakseri. Efu wan sma wani sabi moro, yu kan gi en A Waktitoren Nr. 2 fu 2021. Suku fu go baka na a sma so esi leki a kan èn bigin wan Bijbelstudie nanga a Koloku fu têgo!-brochure. A de wan prisiri sani fu gi furu fu wi ten fu prati a „bun nyunsu fu wan moro bun sani.”​—Yes 52:7.

LUKU A VIDEO CLIP T’A NYUN GRONTAPU KON. BAKA DATI PIKI DEN AKSI DISI:

• Sortu moi ten a pikin meisje e prakseri?

• San yu e angri fu si na ini a nyun grontapu?

• Te yu e denki dipi fu a moi howpu fu wi, dan fa disi kan yepi yu fu teki prati fayafaya na a spesrutu preikiwroko fu november?​—Lu 6:45