Fa den sisa kan du moro gi Yehovah?

Den sisa e du furu na ini a diniwroko (Ps 68:11). Den e hori furu fu den Bijbelstudie èn furu fu den gewoon pionier na sisa. Dusundusun sisa e wroko tranga na Betel, leki zendeling, na ini a bow èn den e du vertaalwroko. Den lepi Kresten sisa e tranga den osofamiri nanga a gemeente (Odo 14:1). Aladi den sisa no man tron owruman noso dinari na ini a diniwroko, toku den kan poti marki di den wani doro na ini a gemeente. Efu yu na wan sisa, dan fa yu kan du dati?

• Kweki moi fasi di Kresten musu abi​—1Ti 3:11; 1Pe 3:3-6

• Yepi tra sisa na ini a gemeente di no abi so furu ondrofeni.​—Tit 2:3-5

• Du muiti fu du moro na ini a preikiwroko èn suku fu du en moro bun

• Leri wan nyun tongo

• Froisi go na presi pe yepi de fanowdu

• Gi yu nen fu wroko na Betel noso yepi nanga den bow wroko fu na organisâsi

• Gi yu nen fu go na a Skoro gi Kownukondre preikiman

LUKU A FELEM „UMASMA DI E WROKO TRANGA GI MASRA.” BAKA DATI PIKI NA AKSI DISI:

• Fa ibriwan fu den sisa disi gi yu deki-ati?