Sreka now gi wan situwâsi pe yu o abi datrayepi fanowdu wantewante

Fu san ede wi musu sreka? Wan sma kan siki so hebi taki a musu go didon na ati-oso wantewante. Fu dati ede, du ala san yu man nownow kaba fu sreka sani so taki yu kan feni a moro bun datrayepi efu yu kon siki wantronso. Te yu du dati, dan yu e sori lespeki gi a libi èn gi a wet fu Yehovah di abi fu du nanga brudu.​—Tor 15:28, 29.

San yu kan du fu sreka?

• Begi èn denki bun fosi yu vul wan Wilsverklaring (brudukarta) (DPA).a Ala dopu preikiman kan go teki a karta disi na a brada di de na a bukutafra. Efu den abi pikin, dan den kan teki sosrefi a Identiteitskaart (ic) gi den pikin fu den

• Efu yu de nanga bere, dan aksi den owruman wan kopi fu a brifi di nen Prenspari sani gi sisa di de nanga bere (S-401). A brifi disi o yepi yu fu teki bun bosroiti te yu kon siki na a ten te yu de nanga bere, èn baka te yu kisi a beibi

• Efu yu abi datrayepi fanowdu pe sma o wani gi yu brudu noso efu yu musu go didon na ati-oso, dan taigi den owruman na fesi èn taigi den sma fu na ati-oso taki yu wani meki wan brada fu Yehovah Kotoigi kon luku yu te yu e didon na ati-oso

Fa den owruman kan yepi? Den kan yepi yu efu yu wani sabi fa yu musu piki den aksi tapu a brudukarta. Ma den owruman no o bosroiti gi yu sortu datrayepi yu musu teki èn den no o taigi yu sortu bosroiti den ben o teki efu den ben de ini yu presi (Ro 14:12; Ga 6:5). Efu yu taigi den owruman fu yu gemeente taki yu abi datrayepi fanowdu pe a kan pasa taki sma o wani taki yu teki brudu, dan den owruman o meki kontakti nanga na Ati-oso Kontakti Komte (ZCC) gi yu.

Fa a ZCC kan yepi? Den brada fu a ZCC kisi leri fu yepi datra èn den sma di e du afkati wroko fu frustan fu san ede wi no e teki brudu. Den kan taki nanga a datra fu yu, fu gi yu datrayepi sondro brudu. Efu a de fanowdu, den kan yepi yu feni wan datra di o lespeki yu bosroiti fu no teki brudu.

LUKU A FELEM FA YU KAN TEKI BOSROITI TE A ABI FU DU NANGA BRUDU? BAKA DATI PIKI NA AKSI DISI:

• Sortu sani ini a felem disi kan yepi yu fu de srekasreka efu yu musu kisi datrayepi wantewante pe sma o wani gebroiki brudu?

  textarea-1