Fa fu gebroiki den felem di e sori fa wi e studeri Bijbel nanga sma

Wi abi fo felem di e sori fa wi e studeri Bijbel nanga sma, di wi kan gebroiki na ini a preikiwroko. Fu san ede ibriwan fu den felem disi ben meki?

• 

  Fu san ede wi musu studeri Bijbel?​—A langawan, ben meki fu yepi sma fu kon abi na angri fu wani sabi moro fu Bijbel, awinsi sortu bribi den abi. A e gi sma deki-ati fu leisi Bijbel fu man feni piki tapu den prenspari aksi fu a libi. Boiti dati a e gi wan eksempre fu den makriki piki di yu kan feni na ini Bijbel. A e sori tu fa sma kan aksi wan Bijbelstudie.

• 

  Fu san ede wi musu studeri Bijbel? (a syatuwan) na a srefi leki a langawan, ma a moro syatu. Kande wi o abi moro bun bakapisi efu wi gebroiki en na presi pe sma no abi furu ten fu taki.

• 

  Fa wi e studeri Bijbel nanga sma? ben meki fu gi sma deki-ati fu studeri Bijbel nanga wi sondro fu pai. A e gi piki tapu wan tu aksi di sma kan abi èn a e sori fa sma kan aksi fu kisi Bijbelstudie.

• 

  Wi breiti taki yu wani studeri Bijbel ben meki fu sori Bijbelstudenti. Aladi a felem disi de fu feni tapu bladzijde tu fu a Yu kan de koloku fu têgo!-buku, toku yu kan sori a sma e felem te wi e studeri a Yu kan de koloku fu têgo!-brochure. A felem e sori san wi o leri ini a buku èn san a studenti kan fruwakti te wi o studeri.

Aladi ibriwan fu den felem disi meki fu wan spesrutu reide, toku wi kan sori noso seni den gi wan sma te dati de fanowdu. Ala preikiman e kisi a deki-ati fu meki muiti fu kon sabi den felem disi èn fu gebroiki den bun na ini a preikiwroko.