WI KRESTEN LIBI
Yehovah e frulusu den wan di brokosaka
Ibri sma e firi sari son leisi. Te wan sma e firi sari, dan dati no wan taki dati en bribi swaki. Fu taki en leti, srefi Yehovah e firi sari son ten (Ge 6:5, 6). Ma san wi musu du efu wi e sari so te taki wi no sabi san wi musu du, noso efu wi e firi brokosaka ala ten?
Begi Yehovah fu yepi yu. Yehovah e broko en ede nanga a fasi fa wi e firi. A sabi o ten wi breiti, o ten wi e sari èn a e frustan fu san ede wi e firi so. A sabi tu fa wi e denki (Ps 7:9b). Ma san moro prenspari na taki Yehovah e broko en ede nanga wi èn taki a kan yepi wi fu horidoro te wi e firi sari noso te wi depressief.—Ps 34:18.
Kibri yu frustan. Te wi lasi-ati, dan dati no e meki wi sari nomo, ma a kan abi krakti tu tapu wi matifasi nanga Yehovah. Fu dati ede wi musu kibri wi ati, dati wani taki a sma di wi de na inisei.—Odo 4:23.
LUKU A FELEM SAN E YEPI DEN BRADA NANGA SISA FU WI FU NO BRUYA AWINSI DEN DEPRESSIEF. BAKA DATI PIKI DEN AKSI DISI:
San Nikki du fu man horidoro aladi a ben depressief?
Fu san ede Nikki go suku datrayepi?—Mt 9:12
Sortu sani di Nikki du sori taki a e frutrow tapu Yehovah?