Fa yu kan studeri moro bun

Yu lobi leisi den ondrofenitori fu wi brada nanga sisa?

Wan trowpaar di abi a gwenti fu leisi wan ondrofenitori ibri mamanten, e taki: „Te wi e leisi den ondrofenitori, dan dati e gi wi furu prisiri nanga deki-ati. Den e memre wi taki wi kan tai hori na Yehovah awinsi na ini sortu situwâsi wi de.” Wan sisa di e denki a srefi skrifi: „Den ondrofenitori e gi mi trowstu, den e gi mi deki-ati èn den e naki mi ati. A fasi fa wi brada nanga sisa e libi e sori taki den abi wan trutru marki na ini a libi. Na ondrofenitori fu den e gi mi deki-ati fu du moro na ini a preikiwroko èn a e yepi mi fu gi mi pikin deki-ati fu go na ini a furuten diniwroko.”

Ondrofenitori kan gi yu deki-ati fu du moro na ini a diniwroko, fu feti nanga swakifasi èn fu horidoro nanga prisiri awinsi yu e kisi hebi tesi. Fa yu kan feni den tori disi?

• Go na difrenti artikel, dan klik tapu „Ondrofenitori fu Yehovah Kotoigi” tapu jw.org noso na ini a JW Library®.

• Suku „Ondrofenitori fu Yehovah Kotoigi” na ini a Watchtower ONLINE LIBRARY^™ noso Watchtower Library.