Pristeri a boen njoensoe—Nanga jepi foe „Mi boekoe nanga bijbel tori”
1 „Hori nomo na prakseri . . . taki joe no frigiti den sani di den ai foe joe ben si, èn taki den no komoto na joe ati ala den dei foe joe libi; èn joe moesoe meki den bekènti na den manpikin nanga na den granpikin foe joe” (Deut. 4:9). Jehovah ben taki den wortoe disi sjatoe bifo a pipel foe en ben o go na ini a Pramisi Kondre. Ija, a no ben de prenspari gi den bigiwan wawan foe ’no frigiti den sani’ di Jehovah ben doe, ma a ben de prenspari so srefi taki den manpikin nanga den granpikin ben kisi leri. A sani disi kan de tra fasi, now di wi e tanapoe na a dromofo foe wan moro bigi Pramisi Kondre, a njoen sistema?
2 Wi kan taki Jehovah tangi dati a gi wi wan toemoesi boen wrokosani na ini wi anoe di wi no kan gebroiki no soso foe ’hori wisrefi nomo na prakseri’, ma so srefi foe leri den ’manpikin nanga granpikin’ foe wi. Wi e taki foe Mi boekoe nanga bijbel tori di druk nownow na ini moro leki 80 tongo. Den tori foe den bigi wroko foe Jehovah no moesoe komoto na a ati foe den pikin foe wi, den heri libi langa.
3 Foeroe sma ben taki dati a boekoe disi na a moro makriki boekoe foe pristeri di wi ben kisi oiti. Kande foe dati ede, moro leki 13 miljoen pisi foe a boekoe disi ben tjari kon na doro kaba na ini wan pisi ten foe toe jari nomo. A sori leki foeroe sma di no de kotoigi foe Jehovah abi belangstelling foe gi den manpikin nanga granpikin jepi na jejefasi.
4 Wi kan jepi den te wi e pristeri Mi boekoe nanga bijbel tori na ini a velddienst, na ini a moen november. San joe ben feni a moro boen fasi foe pristeri en? Fa wi kan poti krakti na tapoe den troetroe jeje winimarki foe a boekoe disi? Tapoe sortoe fasi wi kan doe dati?
5 Toe fundamenti reide foe san ede bijbel skrifi na foe (1) prati wan warskow boskopoe èn (2) foe meki wi kon koni èn dati e tjari froeloesoe kon. Baka te joe gi odi joe ben sa kan taki: „Wi e prisiri taki wi kan tjari wan sjatoe fisiti na joe. Wi ben si taki foeroe sma no e froestan foe san ede bijbel ben skrifi. Joe ben aksi joe srefi na aksi disi? [Gi okasi foe piki.] Foeroe sma no sabi taki bijbel ben skrifi foe prati wan warskow boskopoe. Disi na a prakseri di e tjari kon na krin na 1 Korentesma 10:11. [Leisi.] Den warskow boskopoe foe Gado no de foe meki sma kon frede, ma foe boeweigi sma foe soekoe froeloesoe. Disi na a di foe toe reide foe san ede bijbel ben skrifi. Toe Timotheus 3:15 e jepi wi foe froestan taki jongoewan soleki owroewan abi a Santa Boekoe fanowdoe foe kisi froeloesoe. [Leisi.] Na ini a boekoe di mi abi djaso, Mi boekoe nanga bijbel tori, wan eksempre de foe a bigi froeloesoe di wán bijbel skrifiman, Jesaja, ben taki na fesi.” Opo tori 71 èn leisi a fosi nanga a lasti paragaaf. Pristeri a boekoe.
6 Kande joe sa miti wan toe sma di abi a Bijbel tori-boekoe kaba. San joe kan doe dan? Pristeri wan oso-bijbelstudie nanga jepi foe a Sabi-boekoe. Joe ben proeberi foe prati a Bijbel tori-boekoe na sma na strati? Foeroe preikiman ben doe dati èn ben kisi boen bakapisi.
7 Meki ibriwan foe wi jepi trawan na ini november nanga jepi foe Mi boekoe nanga bijbel tori, foe kon sabi foe san ede bijbel ben skrifi. Wi de seiker taki joe sa feni en heri boen foe pristeri a boekoe disi, ma joe man foe pristeri en soso te joe abi en na joe. De positief èn tesi Jehovah nanga a pristeri disi. Teki a boekoe disi di wi sa prati èn njan boen foe wan switi moen foe wroko nanga a toemoesi boen boekoe disi.