Fa yu kan studeri moro bun
Leri den wortu fu den singi fu wi na ede
„Te mi e firi leki mi no warti noti, dan Yehovah e gi mi dek’ati nanga yepi fu den singi di de na JW Broadcasting®.”—Lorraine, Amerkankondre.
Ala ten a ben de so kaba taki Kresten ben e singi singi fu prèise Gado (Kol. 3:16). Efu yu sabi den wortu fu den singi disi na ede, dan den kan yepi yu, srefi efu yu no abi wan singibuku, wan telefoon noso tablet. Kande yu kan pruberi den sani di e kon now fu leri den wortu fu den singi na ede.
Leisi den wortu bun so taki yu man ferstan san den wani taki. Efu yu e ferstan san wan sani wani taki, dan a moro makelek fu hori en na ede. Yu kan feni den wortu fu ala den singi fu wi, sosrefi den Broadcasting singi nanga den singi gi pikin-nengre, na jw.org. Go na Library, èn baka dati go na Poku.
Skrifi den wortu fu den singi tapu papira. A sani disi kan yepi yu tu fu hori den wortu na ede.—Deut. 17:18.
Oefen den singi. Leisi den wortu fu a singi, noso singi a singi wan tu leisi baka makandra.
Luku o furu yu hori na ede kba. Pruberi fu memre den wortu fu a singi sondro fu luku den wortu. Baka dati luku efu singi den wortu bun.