Kownukondre singi e meki wi kisi deki-ati

Paulus nanga Silas ben e singi prèisesingi gi Gado na ini strafu-oso (Tor 16:25). Brada nanga sisa di ben de na ini a strafuman-kampu na ini Sachsenhausen na Doisrikondre èn den wan di ben de leki strafuman na ini Siberia ben e singi Kownukondre singi tu. Den eksempre disi e sori taki te Kresten e kisi tesi, dan den e kisi deki-ati te den e singi.

Heri esi a nyun singibuku di nen Singi nanga prisiri gi Yehovah o de na ini furu tongo. Solanga wi kisi wi buku, wi kan oefen den singi te wi e hori na Osofamiri Anbegi. Disi o yepi wi fu sabi den na ede (Ef 5:19). Dan a santa yeye o yepi wi fu memre den singi disi te wi e kisi tesi. Kownukondre singi kan yepi wi fu no frigiti a howpu di wi abi. Den e gi wi deki-ati te wi e kisi tesi. Srefi efu wi no e kisi tesi, den moi wortu na ini den singi disi e meki taki wi e singi nanga wi heri ati gi Yehovah (1Kr 15:16; Ps 33:1-3). Sobun, meki wi du muiti fu sabi den Kownukondre singi fu wi!

LUKU A FELEM WAN SINGI DI GI WROKOMAN DEKI-ATI. BAKA DATI PIKI DEN AKSI DISI:

• Sortu situwâsi meki taki Brada Frost meki wan singi?

• Fa den brada di ben na ini a strafuman-kampu na ini Sachsenhausen kisi deki-ati fu a singi disi?

• Kari wan tu situwâsi pe Kownukondre singi kan gi yu deki-ati.

• Sortu Kownukondre singi yu wani sabi na ede?