Prakseri baka san na den moro prenspari penti di yu leri

A muilek gi yu son leisi fu memre den sani di yu studeri syatu na fesi? Ten na ten a sani disi e psa nanga wi alamala. San yu kan du? Prakseri baka san na den moro prenspari sani di yu leri.

Te yu e studeri, dan pruberi fu stop wanwan leisi fu prakseri san yu leri. Na dati na apostel Paulus ben taigi den brada nanga sisa fu du te den ben e studeri a brifi fu en. A ben taki: „A moro prenspari sani fu a tori di wi e taki, na disi” (Hebr. 8:1). Na so a yepi den fu ferstan san a ben wani leri den èn fa ala den sani di a ben taki ben abi fu du nanga makandra.

Te yu kba studeri, dan kande yu kan gebroiki tin miniti fu prakseri baka san na den moro prenspari sani di yu leri. Efu yu no man memre san na den sani dati, dan luku na edeprakseri fu a pisi dati, noso leisi a fosi zin fu ibri paragraaf. Disi o yepi yu fu memre baka san yu leri. Efu yu leri wan nyun sani, dan pruberi fu ferklari en nanga yu eigi wortu. Te yu e poti prakseri baka na den moro prenspari sani di yu leri, dan a o moro makelek gi yu fu memre den sani dati. Yu o man ferstan moro bun tu fa yu kan fiti den sani dati na ini yu libi.