Moni problema​—San Gado Kownukondre o du?

Furu sma na grontapu abi bigi moni problema ala ten baka, èn dei fu dei a e kon moro hebi gi den fu feni moni.

• Sabiman ondrosuku a tori disi èn den kon si taki na heri grontapua „a moni di sma e wroko ibri mun, no sari srefsrefi”. Den sabiman e warskow taki efu sma no e no du noti fu lusu a problema disi, dan „guduman o kon moro gudu èn pôtisma o kon moro pôti” èn furu wrokoman nanga den osofamiri fu den no o man abi wan bun libi moro”.

Yu denki taki tiriman o man feni wan lusu gi a moni problema disi? Den o man meki sani kon moro lekti gi sma?

Bijbel e sori taki wan regering de di man èn wani tyari wan lusu kon gi ala moni problema so taki nowan sma o pôti noso gudu moro a trawan. A e taki dati „a Gado fu hemel o seti wan kownukondre” di o regel ala sani na grontapu (Danièl 2:44). Te a regering dati o tiri grontapu, dan a no o fergiti nowan sma, ma a o poti prakseri na den alamala (Psalm 9:18). Gado Kownukondre o sorgu taki sma o abi ala san den abi fanowdu fu kan de koloku. Ala sma o man prisiri fu di den Gado o blesi a tranga wroko fu den.​—Yesaya 65:21, 22.