2023: Wan yari di lai broko-ede​—San Bijbel e taki?

Na ini 2023, a ben de krin na heri grontapu taki wi e libi na ini wan ten di Bijbel e kari „den lasti dei” (2 Timoteyus 3:1). Luku fa den sani di e psa now de precies leki san Bijbel ben taki kba dati ben o psa na ini a ten fu wi.

San Bijbel e taki fu den sani di psa na grontapu

„Unu o yere taki feti e feti èn unu o yere nyunsu taki feti de.”​—Mateyus 24:6.

• „Feti de na furu presi na grontapu.”a

„Na ini a wan presi baka a trawan gronseki o de.”​—Markus 13:8.

• „Sensi a bigin fu 2023, te nanga now 13 hebi gronseki ben de na heri grontapu. Noiti ete so furu gronseki ben de na ini wan yari sensi wi bigin skrifi ala den gronseki di e psa.”b

„Sma o si kefalek ogri sani.”​—Lukas 21:11.

• „A ten taki a grontapu e faya kon na wan kba, èn wi e go now na ini wan nyun ten taki a grontapu e bori.”​—António Guterres, secretaris-generaal fu den Verenigde Naties.c

„Angriten.”​—Mateyus 24:7.

• „2023: A yari disi lai broko-ede gi den sma di bijna no man gi den osofamiri n’nyan.”d

„Muilek ten o de di tranga fu pasa.”​—2 Timoteyus 3:1.

• „Na heri grontapu wán fu ibri aiti sma abi wan siki na den ferstan.”e

San wi kan ferwakti na ini 2024?

Nowan sma kan taki seiker san o psa na ini 2024. Ma den sani di e psa na grontapu e sori taki heri esi Gado Kownukondre, noso a regering fu en na hemel, o teki a presi fu libisma regering èn a o tyari wan kba kon na ala pina nanga broko-ede.​—Danièl 2:44; Openbaring 21:4.

Fosi a ten dati doro, wi kan suku yepi na Gado nownow te wi abi broko-ede. Bijbel e taki:

„Te mi e frede, mi e fertrow na yu tapu.”​—Psalm 56:3.

Fa wi kan sori taki wi e fertrow tapu Gado? Yu wani sabi moro fu a pramisi fu Bijbel di e sori taki wi no o pina moro na ini a ten di e kon? Pruberi a gratis Bijbel studie fu wi fu kon si fa yu nanga yu famiri kan kisi wini fu den pramisi fu Bijbel.