Moro nanga moro sma e du ogridu na ala sei​—⁠San Bijbel e taki?

Grupu ogriman e feti furu nanga makandra na ini Haiti. Na ini Zuid-Afrika, Meksikow, nanga den kondre fu Latijns-Amerika sma e pina fu di so furu ogri e psa. Srefi na presi pe sma no ben e du so furu ogri fosi, sma e frede now. Den sani di den e yere e meki taki den e broko den ede èn den e denki taki sani kan psa nanga den tu.

San Bijbel e taki fu ogridu di e psa na heri grontapu?

San Bijbel ben taki kba fu ogridu

Bijbel ben taki kba taki den ogri di sma ben o du ben o sori „taki a kaba fu a grontapu disi de krosibei” (Mateyus 24:3). Di Yesus Krestes ben taki sortu sani ben o sori taki a kba de krosbei, dan a ben taki:

• „Fu di moro nanga moro sma o du ogri, meki a lobi fu furu sma o kon kowru.”​—Mateyus 24:12.

Bijbel ben taki na fesi tu taki „na ini den lasti dei” sma „no o man dwengi densrefi. Den o du ogri-ati sani. Den no o lobi san bun” (2 Timoteyus 3:1-5). Fu di sma ben o prakseri densrefi nomo, meki den e du den ogri di wi e si na ini a ten disi.

Ma howpu de. Bijbel e pramisi taki heri esi sma no o du ogri moro.

• „Ete wan syatu pisi ten èn den ogriwan no o de moro. Yu o luku pe den ben de fosi, ma den no o de moro. Ma den safr’ati sma o kisi grontapu èn den o abi furu prisiri fu di freide o lai.”​—Psalm 37:10, 11.

Grantangi, leisi den artikel disi fu kon sabi moro fu a howpu Bijbel e gi wi èn fu san ede yu kan de seiker taki den sani di e psa now, na sani di Bijbel ben taki na fesi kba.

„Echte hoop op betere tijden”

„Wat is het teken van ’de laatste dagen’ of de ’eindtijd’?”

„Is wat mensen elkaar nu aandoen in de Bijbel voorspeld?”