Fertrow tapu Yehovah — no tapu „wan komplot!”

1. Na ini sortu toestand Yehovah organisatie di yu kan si ben de ini a ten fu na Fosi Grontapufeti?

INI a ten fu na Fosi Grontapufeti dan den memre fu Yehovah pipel ben kon moro pikinso srefsrefi leki wan bakapisi fu a fadon komoto na bribi. Ooktu yu ben abi ferfolgu teige den èn dati ben kon fu kerki feanti. Na Edekantoro fu den ini Brooklyn (New York, VS). ben tapu. Boiti dati, dan den ben mu du en sondro a yepi fu na presidenti fu a Genootschap, na sekretarsi-penningmeester, na kantoro-opziener, na stafskrifiman èn fo tra vertegenwoordiger fu na Genootschap, di alamala ben de ini na federale straf’oso na ini Atlanta (Georgia). A ben gersi leki na kaba ben kon gi den bijbelondrosukuman di Gado yeye ben wiki èn dati na kisi glori na ini hemel fu den ben kon krosbei. Ma dati ben sori taki a no de so!

2. Sortu profeititori fu Yesaya ben kon tru ini a ten disi ini 1919?

² Te yu luku en bun dan den aksi di na profeiti Yesaya ben tyari kon a fesi ben kan aksi agen ini na lente fu 1919 ini wan disiten toepassing fu Yesaya 66:6-8: „Wan babari fu opruru de ini a foto, wan babari ini a tempel! A de a babari fu Yehovah, di e pai en feanti na paiman di den ferdini. Bifo a kisi pen, a ben meki pikin. Bifo den pen fu meki pikin ben kon a tapu en (leki wan uma), a ben kisi ferlusu srefi fu wan manpikin. Suma ben yere sowan sani? Suma ben si den sortu sani disi? Wan kondre [toestand fu moi yeye tanbun] sa du kon tapu wan dei nanga pen? Ofu wan natie sa kon gebore ini wantron? Bika Sion ben kisi berepen èn ben meki en manpikin”

3. San ben buweisi na ini 1919 dati Sion ben meki en manpikin èn dati wan nyun „natie ini wantron” ben gebore?

³ Netleki den internationaal bijbel-ondrosukuman ben kisi wan opobaka fu dede, na so den ben hori fu 1-8 September 1919 na fosi kongres baka na feti na ini Cedar Point (Ohio). Na presidenti fu na Wachttoren Genootschap, na sekretarsi-penningmeester, na kantoro-opziener èn den tra strafman di ben lusu, èn di ben kon fri fu ala fowtu di den ben poti na tapu den, ben de na tapu na prisiri okasi disi. Leki wan prisiri sani gi den sma di ben go na a kongres, president Rutherford ben ferteri fu na publikatie fu wan nyun tijdschrift, Na Gowtu pisiten di sma sabi now leki Ontwaakt! Ooktu moro leki 200 sma di ben gi densrefi a Gado pas ben teki dopu. Yehovah theokratis organisatie ben bigin meki en pikin kon na wan libi fu activiteit ini na pisten baka na feti. Disi ben meki nyun, ya prefuru fasi fu wroko di e broko pasi opo de fanowdu fu na sei fu na „natie” di te yu luku en bun ben gebore ini wantron èn ben poti densrefi ini „wan kondre” di ben du kon ini wan momenti.

4. (a) Sortu krakti ala disi ben sa abi tapu „Babylon na Bigiwan”? (b) Fu san a puru a bere fa na trutru matifasi na ini san „Babylon na Bigiwan” de nanga den hemelmakti di de moro hei leki libisma, de na sani di e waka na en fesi?

⁴ Na situatie ben abi na ini en wan tyalansi. „Babylon na Bigiwan”, na grontapu makti fu falsi fasi fu anbegi, ben kon skreki. Den memre fu en, spesrutu den sma di de ini na kristenheid, ben bruya srefsrefi. Den ben firl dati sani ben kon tapu na vrede na ini san den ben de. A seiker positie fu en fu makti di en wawan ben abi tapu a kontren fu kerki-activiteit ben kon ini kefar. Na trutru matifasi na ini san a ben de nanga hemelmakti di hei moro leki libisma, no a matifasi fu en nanga na Gado fu a bijbel, ma nanga na „gado fu a seti fu sani disi” — Satan a sma di e gi tranga na a antikrist di bijbelprofeititori ben taki a fesi fu en — ben sa puru kon a doro (2 Korinte 4:4; 1 Yohannes 2:18). Na puru kon a doro fu sani ben de soso wan waka a fesi fu den laatste dede buweigi fu en. Te a ten dati doro dan na Moro Hei Krutuman fu na universum sa poti langalanga prakseri tapu en èn kiri en sondro fu gi pasi dati a lon komoto fu a bigi atibron na ini san den fosten lobiwan fu en, en politiek freiri, sa kisi na a ten dati.

5. (a) Fu san-ede den sa fadon kon a tapu na kristenheid sondro fu ferwakti èn fa na Gado fu na bijbel e si en? (b) San „Babylon a Bigiwan” no e si?

⁵ Srefi na kristenheid di abi na bijbel, na buku na ini san ala disi ben taki a fesi fu en, sa kisi fu du nanga na aanval sondro fu den ferwakti. A sa poti fertrow na ini na kari fu a ten di e kon fu „vrede nanga tanbun”, soleki den natie e meki mofo fu dati ini a mindri fu san a ben du en kerki formalisme. Na a srefi ten den collecte-preti e waka psa ini a kerki fu en, sodati ai gudu ensrefi nanga den bljdrage di e poti na ini den preti. Ma gi na Gado fu den Santa Buku a de „pôti èn breni èn nanga soso skin”. A no e fertrow tapu Yehovah èn ooktu a no e nyan bun fu den sani di a gi èn di de fu trutru yeye waarde (Openbaring 3:17, 18). A no e si na anuskrifi tapu na skotu. San wi e bedul nanga dati?

Na anuskrifi e sori ensrefi tapu na skotu

6. Na sortu grontapumakti fu owruten wi e denki now, èn fa a ben go nanga Yehovah pipel ini a ten dati di ben de leki wan model?

⁶ Fu ferstan disi wi mu luku go baka na a ten na ini san na dede-oloisi ben loi abra na di fu dri grontapumakti fu na bijbelhistoria, Babylon, na den libakanti fu na liba Eufraat. Belsazar ben de na laatste tiriman tapu Babylon, na ini san ooktu na kontren ben de fu na toren fu Babel, na presi pe na Almakti Gado ben bruya na wán tongo fu den bowman èn pe den ben panya gwe (Genesis 11:1-9). Di na laatste yuru ben naki gi Babylon, dan den memre fu Yehovah di ben de leki wan eksempre, den dyu, ben de leki katiboman ini a heidenkondre dati. Ma na kaba fu na seibitenti-yari katibo fu den ben de now bun krosbei.

7. (a) Fu san-ede kownu Belsasar ben poti wan fesanyanyan gi den bigiman fu en kondre ini na prakseri dati a ben de bun srefsrefi? (b) San ben feni presi na a ten fu na fesanyanyan, èn sortu krakti disi ben abi tapu a kownu?

⁷ Den Meden nanga Perzensma ben moksi makandra èn di na di fu fo grontapumakti ini na bijbel historia, ben hari go feti teige na foto Babylon di ben meki tranga nanga skotu di ben lontu en èn di a ben gersi taki yu no ben man teki en abra. Na liba na Eufraat ben lon psa mindri fu na foto èn na den libakanti fu en lanpe ben de sei san den foto skotu ben waka na ini san koprodoro nanga dobruplaat ben de di e gi pasi fu go na den lanpe. Nanga ala fertrow ini na veiligheid fu na foto dan kownu Belsazar ben poti „wan bigi fesa nyanyan gi wan dusun fu en bigi lantiman” — wan fesa nyanyan di ben sori taki a de en laatste wan. Wantewante ben kon na fesi na ai fu Belsazar wan anu di ben e buweigi tapu na skotu. èn na anu ben skrifi tapu na skotu den profeiti wortu „MENE, MENE; TEKEL èn PARSIN” (Daniël 5:1, 5, 25). Dati ben de ini na neti fu 5 oktober 539 bifo G.T. Den wortu dati ben tyari wan kefarlek skreki kon. Kownu Belsazar ben beifi fu skreki. Wakti pikinso! Tyari den koniman kon — den di e du magie èn den man di e luku stari, di abi na barnen dati den kan tyari marki nanga voorteken kon a krin. Ma a tyari kon a krin fu den wortu di komoto fu tapsei, di densrefi no ben man leisi srefi, ben de pasa a sani di den ben kan. San now?

8, 9. (a) Sortu libifasi ben rikomanderi leki wan laaste sani na a kownu? (b) Fa Daniël ben ferklari na anuskrifi tapu na skotu? (c) Fu san-ede na bigi fesanyanyan fu kownu Belsazar ben abi leki bakapisi dati sowan profeititori ben taki di ben o tyari rampu kon?

⁸ Go teki wan dyu kon. San? Wan dyu? Iya, wan fu den granman èn gransma di ben tyari komoto fu a foto Yerusalem ini na gebortukondre fu den èn di na kownu Nebukadnezar ben tyari kon na Babylon fu den kisi leri fu du wroko gi na kondre. We, leki a laaste sani dan disi ben gersi taki disi ben de a moro bun sani. Na mama fu na uma fu a kownu ben rikomanderi Daniël leki wan man di abi koni, wan man di kan puru raitori èn kan ferklari den (Daniël 5:10-12). Wi kan tyari kon na wi fesi na dipi sarifasi di ben kon ini na fesazaal, di Daniël ini akruderi nanga san kownu Belsazar aksi ben go abra fu gi wan ferklari fu den wortu fu na raitori na a kownu fu a di fu dri grontapumakti fu na bijbelhistoria èn en bigi lantiman.

⁹ Daniël e taki moro fara: „Fu dat’ede komoto fu en fesi na baka fu wan anu ben seni go èn na skrifi disi ben skrifi drape: Èn disi na a skrifi di ben skrifi: MENE, MENE, TEKEL èn PARSIN. Disi na san a wortu wani taki: „MENE, Gado ben teri den dei fu yu kownukondre, èn meki wan kaba kon na en. TEKEL, den wegi yu na tapu na wegi èn den feni yu lekti. PERES,a yu kownukondre prati èn den gi en a den Meden nanga Perzen” (Daniël 5:24-28). Kownu Belsazar èn den bigiman fu en èn den uma fu den ben sori taki den feragti na wan espresifasi èn nanga a kosi fu Gado na anbegi fu a Gado fu Daniël. Na sortu fasi? Fudi den dringi win fu den gowtu kan di ben teki puru fu a tempel fu Yehovah ini Yerusalem di na santa foto disi ben kisi pori ini a yari 607 b.G.T. Nanga dati na wan feragti afrontu ben poti na tapu na trawan.

Na Cyrus fu san den ben taki fu en a fesi e teki a makti abra

10, 11. (a) Leki fa Yehovah ben taki a fesi dan suma ben sa de a sma di ben sa wini Babylon, èn fa Yesaya ben taki fu na wini fu a ten di e kon? (b) Fa Yehovah ben meki na profeititori disi kon tru èn ben tyari strafu, di den ben ferdini kon tapu kownu Belsazar nanga en bigiman fu kondre?

¹⁰ Na ini Yesaya 45:1-3 na Moro Hei Gado ben taki a fesi: „Disi Yehovah ben taigi en salfuwan, gi Cyrus, fu suma mi ben teki en reti-anu fu poti natie na en ondro, sodati misrefi sa lusu den dyonko fu kownu; fu opo na en fesi den doro nanga dobrublad, sodati srefi den portu no sa de taputapu: ’Misrefi sa waka go a yu fesi, èn den heigron mi sa meki kon gelijk. Den koprodoro mi sa broko èn den isri greni mi sa naki panya èn mi wani gi yu den gudu ini na dungru èn den kibri gudu ini den kibripresi, sodati yu sa sabi dati mi na Yehovah, di e kari yu na yu nen.’”

¹¹ Fu meki na profeititori disi kon tru, dan Yehovah ben tyari Cyrus na Pers kon tapu na prakseri fu meki den watra fu na liba Eufraat waka wan tra pasi èn meki den lon go ini wan watra di ben de krosbei. Bakadi a watra ben lon gwe fu a liba, dan den legre fu Cyrus ben hari ondro na dekking fu a neti psa na bedi fu a liba go ini a mindri fu a foto. Fudi den doro nanga dobru sei na watrasei ben tan opo, meki den kren sei na libakanti go a tapu, wini den waktiman èn ben kon ini na fesazaal. Na fesanyanyan fu kownu Belsazar sobun ben kon na wan kaba nanga wan rampu di ben de wan strafu gi en nanga en lantiman, di den ben ferdini — fudi den ben gi „na Masra fu na hemel” syen èn ben behandel en nanga feragti fudi den ben gebroiki tapu wan fasi di no bun den kan fu a tempel di den ben fufuru ini Yehovah santa libipresi ini Yerusalem.

12. (a) Fu san-ede Daniël e skrifi dati Darius na Meder ben teki Babylon abra aladi Yesaya ben skrifi dati Cyrus ben sa teki Babylon abra? (b) Suma Darius e agrsi èn suma en patna, Cyrus na Pers?

¹² Na laatste vers fu Daniël kapitel 5 e taki dati Darius na Meder baka di den ben kiri Belsazar, ben kisi „na kownukondre, di a ben de siksitenti na tu yari”. Fudi Darius ben moro owru leki Cyrus na Pers, meki Daniël ben skrifi taki na kownu disi fu Media ben teki Babylon abra. A ben teri fu 539 te 537 b. G.T. leki a kownu tiriman tapu na Medo-Persia kownukondre. A de wan bun agersifasi fu Yehovah Gado, a sma di ben de nanga Darius ini wan ferbontu, Cyrus a Pers, de wan agersifasi fu Yesus Kristus, di Yehovah e gebroiki tapu wan aparti fasi fu trowe „Babylon a Bigiwan”, na grontapumakti fu falsi fasi fu anbegi, na gron.

13, 14. Tapu san Daniël ben poti sondro degedege na prakseri fu Cyrus na Pers èn nanga sortu wortu a buku Ezra di ben skrifi baka na katibo e bigin?

¹³ Di Cyrus ini 537 b. G.T. ben go sidon tapu a troon fu Medo-Persia, dan sondro degedege na profeiti Daniël ben poti en prakseri na tapu Yehovah profeititori ini Yesaya 45 di ben go fu en. Na buku Ezra di ben skrifi baka na katibo e bigin nanga den wortu disi:

¹⁴ „Èn ini na fosi yari fu Cyrus, na kownu fu Persia — sodati Yehovah wortu fu na mofo fu Yeremia [fu a tori dati na katibo ben sa tan 70 yari (Yeremia 25:12; 29:10, 14)] ben sa kon tru — Yehovah ben wiki— na yeye fu Cyrus, na kownu fu Persia, sodati na ini en heri kownukondre, èn ooktu na ini skrifi a ben meki wan kari waka lontu di ben taki: ’Disi Cyrus, na kownu fu Persia ben taki: „Ala kownukondre fu na grontapu, Yehovah, na Gado fu na hemel ben gi mi, èn ensrefi ben gi mi komando fu bow wan oso gi en ini Yerusalem di de ini Yuda. Ala sma di de na unu mindri fu heri en pipel, meki en Gado sori taki a de nanga en. Meki a hari go sobun na Yerusalem, di de ini Yuda èn bow baka na oso fu Yehovah, na Gado fu Israël — en de na tru Gado — san ben de ini Yerusalem.”’” — Ezra 1:1-3.

Na Moro Bigi Cyrus e wini „Babylon a Bigiwan”

15. (a) Oten na agersi Cyrus ben bigin tiri? (b) Sortu standpunt di no e seki Yehovah Kotoigi e teki ini a tori fu wan komplot nanga den Verenigde Naties èn fu san-ede?

¹⁵ Na disiten agersi Cyrus a Bigiwan ben bigin tiri ini 1914 na a kaba fu „den faste ten fu den natie” di Yesus srefi ben taki a fesi fu den ini Lukas 21:24. Ini wan sondro fu sori respeki gi na prenspari sani disi gi na grontapu, dan den natie di de wan pisi fu den Verenigde Naties ben teki a bosroiti fu kari na yari 1986 leki na internationaal yari fu vrede fu den. Ma Yehovah Kotoigi no e dodoi go ini sribi na nowan fasi ini a tori disi. Te na meki bekenti di ben taki a fesi „vrede nanga tanbun” sa du te fu kaba, dan den no sa go prisiri nanga den politiek fesiman èn den patna fu den fu „Babylon na Bigiwan” fu sowan kefarlek prestatie tapu a lati datum disi ini na historia fu den grontapu natie. Den no de fesiman fu wan komplot nanga den Verenigde Naties ofu fu wan tra wrokosani fu Vrede (Yesaya 8:12). Leki wan teigemaatregel den e taki nanga den wortu fu Yesaya 8:20: „Go na a wet èn go na a kotoigi! Gi na sma di no e taki akruderi a wortu disi, nowan dei de! (Nieuwe Vertaling, van het Nederlands bijbel Genootschap). Èn fu gi wan ferklarl fu na standpunt fu den di no e seki, den e taki: „Bika Gado de nanga wi!” (Yesaya 8:10). Sondro fu draidrai, dan disi wani taki dati Yehovah Gado no abi nowan enkri prati na den politiek maatregel di den natie e teki fu na bun fu „vrede nanga tanbun”, ma moro furu de teige disi srefsrefi.

16. Fa a profeiti wortu di skrifi ini Openbaring 17:16, 17 sa kon reti èn nanga sortu krakti tapu Yehovah pipel?

¹⁶ Fudi Yehovah nanga yepi fu en Moro Bigi Cyrus man fu buweigi den politiek tiriman fu na grontapu tapu wan konifasi, meki a sa poti en ini na ati èn ferstan fu den fu drai densrefi teige „Babylon a Bigiwan”, na gontapumakti fu falsi fasi fu anbegi. Leki nanga den tutu fu wan ogri wilde meti den sa priti en na pispisi. Na profeiti wortu di skrifi na ini Openbaring 17 sa kon reti trutru èn Yehovah Kotoigi na grontapu sa prisiri fu dati. — Openbaring 17:16, 17; 19:1-3.

No libi na demakandra nanga Yehovah noiti

17. San den grontapu tiriman sa du aladi Yehovah Kotoigi no de wan pisi fu „Babylon a Bigiwan”?

¹⁷ Dan den antipolitiek kerki elementi sa drai densrefi teige den Kotoigi di de a libi, aladi Yehovah Kotoigi no de wan pisi fu „Babylon a Bigiwan” ma na publiki puru den bere kon a doro èn no ben abi noti fu du nanga den politiek-afersi fu na grontapu disi. Nanga a fasti bosroiti fu tiri na wan totalitair fasi tapu ala pisi fu na libisma maatschappij na grontapu, meki den sa du wan totale aanval tapu den Kotoigi fu na Moro Heiwan di e kibri den soifri reti-fasi, èn di de na Fonten fu ala regtvaardiki tiri.

18. Sortu sani di abi fu du nanga fetisani èn di e gi sma frede nanga respeki èn di sa poti San ben psa ini a ten fu Noach na baka, Yehovah sa du?

¹⁸ Tapu na pisten disi now na Almakti Soeverein fu hemel nanga grontapu mu kon a mindri den tu èn sorgu dati den man dati di o pori „Babylon na Bigiwan” sabi èn ferstan dati na Gado di ben abi na ini na di fu twenti yarhondro en Kotoigi, de wan trutru Gado, wan Almakti Gado — wan Gado di abi reti a tapu, dati den mekisani fu en dya tapu en futubangi, na grontapu, anbegi en nanga den heri ati èn friwanifasi. A sa du disi na tapu sowan fasi di e gi frede dati na mofo fu en Kotoigi di sa si ala disi leki sma di e luku, sa fadon opo soso fu fruwondru ede. A sa feti na tapu sowan fasi di no abi en speri èn na sowan glori fasi dati na bakapisi sa de victori gi Gado (Openbaring 16:14, 16; 19:19-21). Disi sa wani taki wan kaba di sa de so soifri dorodoro fu na godelowsu seti fu sani di Didibri e basi dati na frudu fu Noach ten, nanga san na heri grontapu ben kisi pori, sa poti go ini na skaduw krinkrin.

19. Sortu kotoigi Yehovah sa abi di kan taki dati a regtvaardiki ensrefi leki na Universele Soeverein èn sortu buweisi sa gi nanga dati?

¹⁹ Netleki fa Yehovah ben abi kotoigi di ben kan taki dati na owru grontapu ben kon na en kaba ini wan frudu sodati ala sma dorosei fu na ark ben dede a watra na so en, tapu wan fasi di moro bigi, sa abi dya na grontapu kotoigi di kan taki dati en sa regtvaardiki ensrefi leki na universele Soeverein nanga yepi fu wán du di noiti moro a fu feni presi (2 Petrus 3:6, 7, 13, 14). Disi sa de den sma di e fertrow tapu en fu kisi vrede nanga tanbun na mindri fu na grontapu disi di mu go ini pori. Koloku yu sa de te den sa teri yu na ini den kotoigi di tapu wan wondrufasi sa kisi Gado bun-ati. A buweisi sa gi taki na vrede nanga tanbun na ini san yu e prisiri kon fu Gado èn no de a bakapisi fu na wan ofu tra ferbontu, ofu na wan ofu tra komplot nanga politiek makti nanga na seti fu sani di Didibri e basi.

20. Fa Yehovah sa kon a doro fu na feti disi, èn sortu faste bosroiti wi teki?

²⁰ Yehovah Gado sa komoto kon fu a feti disi tapu wan glorifasi leki na sma di abi na reti fu kisi anbegi èn fu sma dini en leki na Moro Heiwan — na Gado fu den gado, na Exclusiefwan, na Suma den wortu fu na psalmsingiman di ben abi Gado yeye ben taki: „Iya, fu ten di no abi marki, te ten di no abi marki yu de Gado” (Psalm 90:2). Meki wi poti wi fertrow ini Yehovah Gado nanga yepi fu na Moro Bigi Cyrus, Yesus, èn no libi na demakandra fu wi nanga en noiti.

[Futuwortu]

Yu e memre dist ete?

◻ San „Babylon na Bigiwan” no e si?

◻ San na ogri bakapisi fu Belsazar fesanyanyan e agersi?

◻ Suma sa wini „Babylon a Bigiwan”?

◻ Sortu sei Yehovah Kotoigi e teki ini a tori fu wan komplot nanga den Verenigde Naties?

◻ Fu san-ede ala sma di e fertrow tapu Yehovah fu vrede nanga tanbun sa de koloku?