Fu san-ede Yehovah tyari en nen kon na krin?

Na ini wan kommentaar tapu na „Owru Testamenti”, di tyari kon na doro na Polen na ini 1964, na aksi disi ben kisi piki tapu wan fasi di seyker e meki yu go denki moro fara. Ondro na imprimatuur (dati wani taki a primisi fu druk wan sani) fu na Lomsu-Katolik Kerki dr. Stanislaw Lach, heyleriman na a Universiteit fu Lubliń ben taki:

„Sma di bay kon fri abi wan frantiwortu na fesi na libismafamiri ini na tori fu Gado nen.” Den Israèl sma ben abi na frantiwortu fu du muyti „taki den hèyden ben sa blesi na nen fu Jahwe [Yehovah] èn no ben sa kosi en”. „Jahwe wani taki wan sani . . . Grontapu sa kisi krutu tapu a gron fu en fasi na fesi fu den sma di e taki fu a nen disi.” Na heyleriman ben fruklari taki „na nen Jahwe sa de bigi a mindri den nâsi . . . En [na nen] sa panya en srefi abra na heri grontapu. Nanga na marki dati na nen dati ben gi na Moses.”

Iya, a de so leki Maleyaki 1:11 ben taki a fesi: „’Mi nen sa de bigi a mindri den nâsi’, Yehovah fu den legre taki.” Èn suma e meki na nen dati now bekènti na a heri grontapu, so taki „a sma di e kari na nen fu Yehovah, sa kisi frulusu”? Yehovah Kotoygi! Na fasi fa den sma de nanga a ’pipri disi fu en nen’, iya, nanga „den sma di e taki fu a nen disi”, de wan afersi fu libi ofu dede gi den. Fa yu de nanga Yehovah nanga en Kotoygi? — Tori fu den Apostru 2:21; 15:14; teki gersi Maleyaki 3:16-18.