Pristeri na boen njoensoe — Nanga na Njoen Grontapoevertaling
1 Na Wortoe foe Gado abi wan kefarlek krakti tapoe den sma di e arki na en. Loekoe pikinso san a ben doe gi wi. Den wortoe di skrifi na ini abi moro krakti leki ala san sma kan go prakseri ofoe denki (Hebr. 4:12). Na waarde foe en troetroe no kan teki gersi nanga nowan tra sani!
2 Aladi a bijbel de a boekoe di panja moro foeroe na grontapoe, tokoe boen foeroe osofamiri de pe nowan eksemplaar de foe feni ete. na mindri den sma di abi wan bijbel, foeroe de di no e lési en. Son vertaling de moeilek foe ferstan. Na wan enkri sani di kande sa gi sma moro dek’ati foe lesi a Wortoe foe Gado de dati den kan kisi wan vertaling ini disiten tongo. Te den e meki gebroiki foe na Njoen Grontapoevertaling, den kan kisi jepi foe graboe san den boekoe wani taki. Joe kan jepi tra sma foe njan boen foe dati? Na ini a moen december wan toemsi moi okasi sa sori ensrefi foe dati. Djaso wantoe suggestie de di joe wani gebroiki kande foe pristeri na bijbel makandra nanga na boekoe Troe vréde nanga sékerfasi — Fa joe kan feni dati?
3 Wán fasi foe poti krakti na tapoe na waarde foe na Njoen Grontapoevertaling de foe poti prakseri tapoe na pisi: „Bijbel tori foe takmakandra”. Joe ben sa kan taki foe eksempre: „Na bijbel abi foeroe foe ferteri foe na kolokoe di e tan èn di Jehovah tiri sa tjari kon. Loekoe foe eksempre pikinso o boen na Njoen Grontapoevertaling foe den Santa Boekoe de na ini na pisi ’Bijbel tori foe takmakandra’. Na ondro na ede ’Grontapoe’ joe sa feni wantoe toemsi moi tekst. Loekoe pikinso o langa na vréde ondro na tiri dati sa tan. (Lési Psalm 72:7 èn Jesaja 9:6, 7 ondro na ede ’A. A prakseri foe Gado nanga grontapoe’.) Ooktoe joe sa feni tra toemsi moi tori na ini a pisi disi foe na bijbel. Mi kan libi a bijbel nanga a boekoe na joe foe wan pikin moni foe f 9,00?” A no de foe dati joe kan gebroiki tra tori, èn dati e anga foe san leki fa joe e si e fiti na a okasi dati.
4 Efoe joe e si dati wan ososma abi soso wantoe minuut foe taki, dan joe ben sa kan behandel sjatoe a tori foe takmakandra, ma teki na ten foe lési den tekst. Meki baka dati a si na index foe boekoe na fesi sé ini na bijbel. Joe ben sa kan taki ooktoe: „Joe sa si dati a bijbel di mi abi e gebroiki wan tongo di de makriki foe ferstan.” Meki a sma si moro fara a boekoe èn pristeri den foe na pikin moni di wi kari.
5 Ete wan aparti marki di e kon a fesi foe na Njoen Grontapoevertaling di e jepi den lésiman foe kisi wan krin ferstan foe foeroe tekst de na index foe bijbel wortoe di e teri 89 bladzijde. Baka te joe e gebroiki na Tori foe takmakandra, dan joe ben sa kan gi wan eksempre foe na waarde foe en na a fasi disi: „Ini a ten disi a gersi srefi dati na inisé foe na osofamiri pikinso vréde de. Disi e kon na krin ini a hé brokotrow cijfer. Son trowpaar gersi taki den no kan feni en nanga makandra. Ma na bijbel abi warti rai foe na fasi fa foe kisi osofamiri kolokoe, Loekoe pikinso oboen na index foe bijbel wortoe de ini na Njoen Grontapoevertaling foe den Santa Boekoe. Na ondro na wortoe ’mansma’ wantoe boen tekst tanapoe. Loekoe Pikinso san den e taki foe wan masra èn wan wefi. (Sori tapoe Efese 5:25 nanga 1 Petrus 3:1). Na boen jepi sani disi kan de foe joe makandra nanga a boekoe Troe vréde nanga sékerfasi — Fa joe kan feni dati? foe soso f 9,00.”
6 Den bodoi di abi waarde na ini na appendix foe na Njoen Grontapoe-vertaling joe no mag loekoe psa. Ooktoe na tabel foe bijbelboekoe de heri boen èn e gi moi troe tori foe ibri bijbelboekoe — na skrifiman, pe a ben skrifi, oten a boekoe ben kon klari èn na pisten di den skrifi foe en.
7 A no de foe taki dati a e aksi sreka a fesi foe pristeri a bijbel tapoe wan boen fasi. Teki wantoe minuut foe si sortoe marki foe na Njoen Grontapoevertaling joe ben sa man poti krakti a tapoe foe meki sma si a praktis waarde foe en. Taki nanga opregtifasi èn overtoigi èn jepi trawan foe njan boen foe na krakti di a bijbel disi abi tapoe den libi.