Suku fosi na kownukondre
1 Ibri redelijk libisma wani wan langa libi ondro omstandigheden fu vrede. Disi na wan normaal lostu, èn sma kan kisi en te den suku ’fosi a kownukondre’ (Matt. 6:33). Ma na presi fu suku a kownukondre, dan ini a ten disi sma e du someni sani di e puru na prisiri fu na libi. Na gi di den e gi pasi fu sma du san den wani èn sani di de dorosei a marki gersi fu de sani fu aladei. A libi de na alape ini kefar. Puru sani na skrufu nanga yepi fu tranga ogridu, na ongeregeldheid fu borgru panya ensrefi go na pisi fu na grontapu di wan dei ben abi na marki fu wan korostu libifasi.
2 Toku wi sabi dati efu wan sma e suku fosi a Kownukondre dan disi e kon gi na bun fu en libi. Yehovah sa meki den dei fu en kon langa èn poti yari moro tapu en libi. — Odo 3:1, 2.
WARTI YEPI
3 Ini na mun december wi sa yepi sma suku na Kovnukondre èn fu feti baka na libi leki wan marki fudi wi e pristeri den na Nyun Grontapu-vertaling fu den santa buku makandra nanga wan sakaformaat buku fu wan bijdrage fu Sf 9,00. Fa wi abi wan bigi grani fu yepi trawan tapu a fasi disi! Wi wani abi punt fu kan abi wan takmakandra ini prakseri di ben kan wiki belangstelling na reti-atisma èn ben kan yepi den si fu den publikatie disi sa de bun fu suku fosi a Kownukondre. San wi kan taki?
4 Efu na ososma lobi a dini fu Gado, dan kande baka te yu ferteri fa yu nen, yu kan taki: „Sma di wani kenki sote na libifasi fu den, seiker e sori disi fudi den waka na baka wan bepaalde fasi fu bribi. Ma furu sma di e du disi toku no de koloku. Fu san-ede disi de so? Na bijbel e gi unu a piki disi: [Leisi 2 Timóteus 3:1, 2, 5. Fu san wi ben leisi e kon a krin dati na abi fu soso wan fasi fu anbegi no de nofo. We, san Gado e ferwakti dan fu wi? Luku pikinso na a piki dya ini Yohannes 4:23: [Leisi.] A bijbel srefi sa yepi wi fu sabi moro fu na pasi fu bribi di abi trutru waarde. Mi mag libi na vertaling disi di de makriki fu ferstan makandra nanga na buku disi gi yu fu Sf 9,00?”
5 Efu na uitgave fu na Nieuwe-Wereldvertaling di yu e pristeri abi ooktu na pisi ini en „Bijbeltori fu takmakandra” na bakasei, dan yu kan taigi na ososma fu gebroiki disi fu kisi wan krin ferstan ini ibri tori di e kon fu taki, fudi a kan sori na tapu den tekst di den poti drape.
6 Yu ben sa kan miti wan sma di abi na Nyun Grontapuvertaling kaba. Proberi eenvoudig fu wiki na belangstelling fu en gi na sakaformaat buku. Yu ben sa kan taki: „Bribi ini na Kownukondre fu Gado seiker ben sa de wan prenspari pisi fu na fasi fu bribi di Gado e feni bun. Mi mag pristeri yu a buku disi di tyari kon a doro fu meki yu kon sabi den furu tekst di e go fu na Kownukondre na ini na bijbel di yu abi kaba? A de soso fu Sf 2,00.”
NA MARKI FU WI
7 Na marki fu wi de fu yepi sma nanga wan opregti ati fu sabi Yehovah èn fu gi den reide fu suku fosi na Kownukondre. Disi sa gi den wan howpu tapu libi ondro regtvaardiki omstandigheden. Na pristeri fu na Nyun Grontapuvertaling de ini modern tongo èn wan sakaformaat buku nanga en krin stijl di e taki leti go tapu sani èn toku de heri moi sa yepi wi fu doro a marki fu wi. Meki wi de nanga faya ini a du fu na diniwroko fu wi.