Meki na kownoekondre bekenti howpoe na trawan
1 Sortoe howpoe kristen moe meki bekenti? Séker den no moesoe meki na wan ofoe tra politiek howpoe bekenti di libisma ben tjari kon na libi! Na historia e sori dati ala den sortoe froewakti dati e kon tron noti. Libisma programa séker no man foe sorgoe gi den fanowdoe foe libisma dati den tan èn gi den libisma ferloesoe (Ps. 146:3). Na wan enkri troetroe howpoe de na ini na kownoekondre di Jezus ben leri en discipel foe begi. — Matt. 6:10.
2 Ija, wi abi boen rede foe meki na Kownoekondre howpoe bekenti gi sma ini wi gebied. Jehovah dienstknegti sabi dati na Kownoekondre de na wrokosani di Gado e gebroiki foe krin na universum foe Satan èn ala den wan di e hori baka gi en tirimakti. A Kownoekondre sa soifri Jehovah nen foe ala sjen di ben kon na tapoe ini den pikinmoro siksi doesoen jari. Èn kolokoe dati na Kownoekondre sa meki libisma de ini na okasi foe ondrofeni na krakti wroko foe Jezus ferloesoe ofrandi, sodati ala pina nanga skin-ati kan psa gwe. Na ondro na doesoen jari tiri foe na kownoekondre miljardmiljard sma di de now ini na dede sribi sa wiki.
MEKI GEBROIKI FOE NA BOEKOE „JOE KOWNOEKONDRE MOE KON”
3 Jezus ben taki na fesi dati den discipel ini na ten foe na kaba sa préki na „boen njoensoe foe na kownoekondre” (Matt. 24:14). A de meki wi de troetroe kolokoe foe kan abi wan prati na a meki bekenti gi trawan san na a troe howpoe gi na libisma-lo — Gado Kownoekondre. Fa wi ben bréti di na a ten foe wi „Kownoekondreloyaliteit”-congres wi kisi wan njoen wrokosani di ben kan jepi wi foe doe na wroko — na boekoe „Joe Kownoekondre moe kon”. Ini den moen juni nanga augustus wi abi agen na okasi foe presteri en ini wi oso na oso wroko.
4 Joe ben o prakseri fa joe ben sa kan meki na kownoekondre howpoe bekenti nanga jepi foe na moi boekoe disi? Den fosi zin foe kapiter 1, den bladzijde 5 nanga 6 makandra nanga na moi prenki pe wan grontapoe paradijs de, sa de wan toemsi moi presteri di fiti. Foe san-ede joe no ben sa loekoe pikinso na fosi paragraaf disi foe feni punt na ini di nanga ala prisiri joe ben sa wani tjari kon akroederi nanga na begi „Joe Kownoekondre moe kon”?
5 Na sortoe praktisch fasi den fo kanti ben kan gebroiki di abi kernachtig bodoi foe na kownoekondre? Na bladzijde 11 wan fokanti tanapoe nanga na titel „Na realiteit foe Gado Kownoekondre”. A de ferteri foe den troe tori foe na kownoe, den hemel medetiriman, na grondgebied, den loyaal onderdaan, den wet èn na leri-programma. Loekoe toe na fokanti nanga na titel „San Gado Kownoekondre sa doe” na bladzijde 25. Joe ben kan aksi na ososma, soleki „Joe kan memre wan toe foe den sani di na kownoekondre sa doe leki fa na bijbel e taki”? Poti dan na prakseri tapoe na piki na bladzijde 25.
6 Prenki alaten a hari na prakseri, spesroetoe foe jongoesma. Boiti na moi paradijstafereel na bladzijde 4 nanga 5 dan moi prenki de na bladzijde 52 nanga 53, 77, 148 nanga 149, 180 nanga 181. Joe sa feni den prenki na bladzijde 148 nanga 149 toemsi boen foe wan takimakandra na a ten foe joe fosi fisiti ofoe na wan go-baka, foe di den e tjari na kownoekondre foe na bijbel kon toemsi moi na esi.
7 Disi de wan toe foe den moi sani foe na bijbel „Joe kownoekondre moe kon”. A boekoe skrifi ini wan sjatoe, direkt fasi èn tokoe na wan fasi di e hari sma prakseri. Den kernachtig aksi foe abi wan takimakandra, makandra nanga den tekst, sa jepi joe nanga a ososma foe kan tak-go-tak-kon foe na tori foe Gado kownoekondre. Meki wi alamala go presteri na moi boekoe disi na wan enthousiast fasi.
SREKA JOESREFI FINIFINI NA FESI
8 Foe di den bakratongo gemeente ben studeer na boekoe disi kaba na a boekstudie, den sabi kaba san de ini a boekoe. Na den Sranantongo gemeente wi no studeri a boekoe disi ete èn foe dat’ede a de fanowdoe wi sreka wisrefi boen-boen a fesi foe kan presteri en. O moro joe sabi foe na kownoekondre njoensoe o moro boen joe sa man foe meki en bekenti a tra sma. Efoe joe ati kon waran nanga na wondroe kownoekondre howpoe èn joe e poti joe fertrow krinkrin ini na kontroe foe en, dan a no de tra fasi efoe séker joe sa meki na howpoe disi bekenti na trawan.