Jezus libi nanga diniwroko

Na piki foe en apostel

SOWAN wan nanga afoe jari psa sensi Johannes na Dopoeman ben meki sma kon sabi Jezus leki a Lam foe Gado èn Jezus ben bigin en publiki diniwroko. Na ini a ten dati Andréas, Simon Petrus nanga kande Jakobus (na brada foe Johannes) èn moro fara Nathanaël (den ben kari en ooktoe Bartolomeüs) ben de en fosi discipel. Baka wan pisten foeroe trwan ben moksi densrefi leki bakaman foe Jezus na den.

Now a ten ben doro gi Jezus foe piki den apostel foe en poeroe. Den disi ben sa tron den krosbé mati foe en di ben sa kisi wan spesroetoe opleiding. Ma bifo Jezus piki den poeroe, ai go na wan bergi èn ai psa na heri neti na ini begi, kande foe begi foe na koni èn na blesi foe Gado. Te dé opo, a e kari en discipel èn e piki den twarfoe man disi poeroe a den mindri. Ma foe di den e tan sma di e kisi leri foe Jezus, den e kari den ete discipel.

Siksi foe den sma di Jezus ben teki poeroe de den wan di kari dja na tapsé, di ben tron en fosi discipel. Ooktoe Mattéus, di Jezus ben kari komoto foe en belastingkantoro den e teki. Den féfi trawan di den e teki na Judas (ooktoe Thaddéüs a nen), Judas Iskáriot, Simon na Kananeeër, Thomas nanga Jakobus, na manpikin foe Alféüs. Na Jakobus disi den e kari ooktoe Jakobus na mendriwan, kande foe meki wan difrenti na mindri en nanga a tra apostel Jakobus.

Den twarfoe man disi de now wan pisten kaba na Jezus èn a sabi den boen. Wan nomroe foe den ben de famiri foe en. Jakobus èn a brada foe en Johannes de leki fa ai sori krin neef foe Jezus. Èn kande Alféüs ben de na brada foe Jozef, na kwekipapa foe Jezus. Dan na manpikin foe Alféüs, na apostel Jakobus moe de ooktoe wan neef foe Jezus.

A no de foe taki dati Jezus boo abi problema nanga en foe hori den nen foe en apostel na ede. Ma joe kan hori den na ede? We hori na prakseri dati toe de di nen Simon, toe di nen Jakobus èn toe di nen Judas èn dati Simon abi wan brada Andréas èn dati Jakobus abi wan brada Johannes. Dati na a sroto foe hori a nen foe aiti apostel. Den tra fo de wan belastingman Mattéüs, wan sma di bakaten ben go degedege, Thomas, wan sma di den ben kari kon foe ondro wan bon (Nathanaël) èn en mati Filippus.

Erfoe foe den apostel kon foe Galiléa na kontren pe Jezus komoto. Nathanaël kon foe Kana. Filippus, Petrus nanga Andréas kon biginbigin foe Bethsaïda. Ma Petrus nanga Andréas bakaten froisi go na Kapernaüm, pe Mattéus gersi taki a ben libi. Jakobus nanga Johannes ben de fisiman èn ben libi kande ooktoe ini Kapernaüm of ini a birti dape. Leki fa a sori dan Judas Iskariot di bakaten ben tori Jezus de na wan enkri apostel foe Judéa. Markus 3:13-19; Lukas 6:12-16.

◆ Sortoe apostel ben kan de famiri foe Jezus?

◆ Soema de den apostel foe Jezus èn fa joe kan hori den nen na ede?

◆ Foe sortoe kontren den apostel ben komoto?

[Prenki na tapoe bladzijde 12]

Bifo Jezus ben piki den twarfoe apostel a ben psa na heri neti ini begi na Jehovah