Fa na Index kan abi wini gi na osofamiri
1 Na ini 1 Timoteus 5:4 skrifi ini a tori foe osofamirimemre: „Meki den dati. . .leri fosi, ini den eigi osofamiri, foe sori taki den e gi densrefi ini a dini foe Gado.” Ija, na sori di wi e sori taki wi e gi wisrefi ini a dini foe Gado te wi abi demakandra nanga memre foe wi osofamiri na wan sani di wi moesoe leri. Na ini disi wi abi a tiri foe Gado fanowdoe, foe di na sorgoe foe osofamiri memre de wan pisi foe wi kresten plekti. Na Index foe Waktitoren-poeblikâsi 1981-1985 [Bakratongo] nanga na loesoe pisi foe 1986 kan jepi wi foe feni a tiri ini a tori foe difrenti situwâsi di kan opo ede kon ini na osofamirilibi.
2 Wan osofamiri e bigin te wan man nanga wan oema e trow (Gen. 2:24). Joe abi a serjoesoe plan foe trow? Na ini ala toe index joe sa feni ondro a edewortoe „Huwelijk” (Trow) na ondro-edewortoe „a teki foe wan trowpatna”. Den verwijzing sa jepi joe foe kisi boen jepi ini a afersi disi di moeilek sontron. Na Index 1981-1985 abi so srefi ondro-edewortoe leki „a ròl foe na trowmasra” èn „na ròl foe na trowoema”, di ala toe e sori go na bodoi di de foe na boen foe den sma di wani trow so boen leki den wan di trow kaba. Boiti dati dan ondro-edewortoe, so leki „komunikâsi”, „famiarifasi ini” èn „vrede” e sori go na materiaal di kan meki ala trowlibi kon toemoesi boen. Efoe moeilekhèit e kon, dan na ondro-edewortoe „problema” kan jepi joe foe feni rai, di abi boen bakapisi, foe loesoe den.
3 Pikin na wan pisi goedoe foe Jehovah (Ps. 127:3). Fa papa nanga mama kan kweki den pikin foe den „ini a tranga leri èn a serjoesoe froemane foe Jehovah? (Ef. 6:4) Na tiri di Jehovah e gi nanga jepi foe en Wortoe èn na „getrow srafoe”-klasse, de toemoesi prenspari. Papa nanga mama moesoe man foe si boen san na den firi èn den fanowdoe foe den pikin foe den. Boen rai nanga prakseri sma kan kisi nanga jepi foe den ede-wortoe „Pikin èn jongoewan”, di de foe feni na ini den Index. Èn san de foe taki foe na prani foe Jehovah wet ini den jongoe ati foe den? Ondro na ede-wortoe „Kweki” bodoi tanapoe foe a hori foe krakti takimakandra foe ala kontren foe a kweki kon bigi foe den pikin, nanga so srefi a fasi fa joe kan jepi den foe bow wan matifasi foe densrefi nanga Jehovah èn foe kweki wan angri foe na waarheid.—1 Petr. 2:2.
4 Na ori foe osofamiri takimakandra foe a bijbel tapoe fasti ten de toemoesi prenspari foe sani kan waka boen ini a osofamirilibi (Deut. 6:6-9; Jes. 54:13; Ef. 5:25, 26). Verwijzing gi prakseri foe a hori foe prisiri osofamiri takimakandra de foe feni ondro na edewortoe “Osofamiri”. Na ini na Index foe 1986 na ondro-edewortoe so leki „osofamiri bijbelstudie” abi foe en sei baka ondro ede-wortoe so leki „meki a kon abi boen bakapisi” nanga „meki a kon de wan prisiri sani.” Foe san-ede wan wan leisi joe no sa loekoe a historia foe Jehovah Kotoigi? Ondro na ede-wortoe „Foeroeten-dienst” na ini ala toe index den e sori go na ondrofenitori foe a gi abra foe grontapoe wroko foe go ini na foeroeten-dienst. Moro tori di moi de foe feni ondro „Zendeling”. Wan heri lijst de foe feni ondro „Historia foe a libi foe Jehovah Kotoigi”.
5 Na Index foe Waktitoren-poeblikâsi de wan toemoesi moi wrokosani foe tjari rai nanga prakseri foe na osofamirilibi kon wan. Meki a de so taki na index jepi joe foe doe joe frantiwortoe wroko na ini osofamirilibi nanga foeroe prisiri.