Doe wi Kownoekondredienst ini a veld
1 Lobi gi Jehovah nanga sma na wi sei e boeweigi wi foe preiki na boen njoensoe foe a Kownoekondre. Te wi e handri a wortoe foe waarheid na wan bekwaamfasi, wi kan naki trowe „den taki-go-taki-kon. . .èn ala hei sani di den e opo kontrari a sabi foe Gado” (2 Kor. 10:5). Na Index foe Waktitoren-poeblikâsi (na uitgave foe 1981-1985 èn a loesoe pisi foe 1986) abi leki marki foe jepi wi nanga disi.
2 A moro prenspari edewortoe di e sori go na wi preikiwroko ini a veld na „Velddienst”. Ibri pikin pisi den e taki foe en drape, nanga na ini toe wi persoonlijk fasi, den inleiding, a poti kon reti foe genstaki, den pristeri foe aparti poeblikâsi, den gobaka nanga bijbelstudie. Joe ben sa wani agersi wan penti nanga wan toe boen ondrofenitori? Ondro na edewortoe, di den tjari kon na mindrisei, „Ondrofenitori” joe sa feni so leki a sori soifri san joe abi fanowdoe.
3 Wan sma strei taki a bijbel e taki kontrari ensrefi, èn a kari kande spesroetoe tekst di gersi taki den de kontrari makandra? Ondro „Troe fasi foe a bijbel” a ondro-edewortoe „inisei wanfasi” e sori go na algemene takimakandra foe a genstaki disi. Ondro na ondro-edewortoe „tekst di gersi den e gens densrefi den tjari kon ini akroederi nanga makandra” joe sa feni wan lijst foe den sortoe tekst disi di e sori go na den artikel pe den sortoe sani di gersi leki den e taki kontrari makandra e loesoe na wan krin fasi.
4 Ini son kontren wi moesoe naki trowe den taki-go-taki-kon foe fondamenti falsi leri foe na krestenhèit go na gron, so leki na Driwanfasi, na helfaja nanga na dede di a sili no man dede. Ibriwan foe den tori disi na wan edewortoe. Na ondro „Driwanfasi”, „A dede di a sili no man dede” nanga „Hel” ondro-edewortoe tanapoe, foe tekst di gebroiki tapoe wan fowtoe fasi, di kan tjari joe go na wan takimakandra foe den sortoe tekst disi.
5 Joe e angri foe opo wan bijbelstudie? Ofoe joe abi wan di leki fa a sori no e go na fesi? Ondro na edewortoe „Bijbelstudie” den ondro-edewortoe „opo”, „jepi den foe kon doro a dopoe”, èn „gi leri” alamala nanga verwijzing foe jepi joe foe kan opo èn hori bijbelstudie di e go na fesi. Den verwijzing ondro na ondro-edewortoe „tjari sma go na Jehovah organisâsi” de so srefi toe heri boen.
6 Joe e proeberi foe kisi moro grani ini a velddienst? Den edewortoe „Foeroeten dienst”, „Jepi-pionier”, „Pionier”, „Zendeling” èn „Dini pe a fanowdoe de moro bigi” e tjari joe go na praktis materiaal foe a fasi fa joe kan doro den sortoe marki disi èn na den toemoesi moi ondrofenitori foe den sma di ben doro a marki disi.
7 Doe wi Kownoekondredienst ini a veld, e gi bigi satisfaksi (Joh. 4:34). Na Index foe Waktitoren-poeblikâsi kan jepi wi te wi e teki prati na a prisiri wroko disi.