e kostoe Sf 0,60 foe wan. November: Abonnement tapoe Ontwaakt! noso Na Wachttoren noso tapoe ala toe foe wan bijdrage foe Sf 7,00 foe ibriwan foe den wan jari.

● Den drama di o pré tapoe den „Sma di e kibri den Soifri-reti-fasi”-kongres gron na tapoe Numeri 6:1-12; Deuteronomium 28:2-5; Amos 2:11-14; 3:13-15; 5:10-15 nanga Job kapitel 1, 2 èn 42. Wi e gi oenoe alamala na rai foe lési na materiaal disi leki wan sreka a fesi tapoe na kongres.

● „A fasi fa a bijbel e taki foe sani” de a titel foe wan njoen rubriek na ini san foe bigin nanga di foe 8 juli 1985 doronomo wan artikel foe toe bladzijde a kon na ini Ontwaakt! Den artikel disi skrifi gi na publiek èn den sa taki foe disiten afersi foe san den sma e prakseri foeroe noso algemene aksi di sma e aksi nofotron. Den artikel o gi na wan sjatoefasi na fasi fa na bijbel e taki foe den sani dati. Na rubriek disi e gi den prékiman wan tra okasi foe gebroiki den te den feni taki na ede-artikel no e wroko so boen ini na kontren foe den. Na aksi di den e behandel ini juli 1985 de: „Na ten foe wi di de na wi fesi, na wan lot e bepaal en?”

● Njoen uitgave:

Cassettes Leviticus (set foe toe), Fransitongo

The Path of Divine Truth Leading to Liberation — Urdu

● San de foe kisi agen:

„A boen njoensoe disi foe na Kownoekondre” — Urdu

„Loekoe! Mi e meki ala sani njoen” — Urdu

● San no de moro foe kisi:

Is de mens ontstaan door evolutie of door schepping?

Koninkrijksmelodieën nr. 1

Pristeri a boen njoensoe — Gi ala sma

¹ Jezus Kristus ben meki Gado Kownoekondre bekenti na ala sé. A ben go na ini heri Galiléa nanga di a ben e préki: „Oen abi berow bikasi na kownoekondre foe hemel de krosbé” (Matt. 4:17). A boen boskopoe disi foe boen njoensoe ben kon na a joisti ten èn ben waran den ati foe den sma di ben arki na Jezus èn ben gi den howpoe. Sowan boen njoensoe ben moe prati nanga tra sma èn foe di a ben de so fanowdoe, wan hebi frantwortoe ben didon tapoe den sma di ben e doe a wroko.

² Soema ben teki na frantwortoe disi tapoe den? Ini na bigin foe wi Gewoon Teri den ben de den discipel foe Jezus, èn den getrow apostel ben de na ini toe. Foeroe jarihondro a baka wi prakseri ben poti a tapoe na boskopoe disi èn so meki wi toe abi na frantwortoe foe meki trawan kon sabi disi (1 Kor. 9:16). Nanga di wi e gebroiki ibriwan okasi di fiti, wi kan sori dati wi e gi jesi nanga wi heri ati na a komando foe Jezus foe „prèki a boen njoensoe foe a kownoekondre . . . tapoe na heri grontapoe pe libisma e tan” „leki wan kotoigi gi ala naatsi” bifo na kaba kon. — Matt. 24:14,

³ Te wi e doe na oso-foe-oso-wroko wi e doe ala moeiti foe ini ibri oso wi kon ini kontakti nanga wan sma? Foe di foeroe sma e wroko, kande wi no e miti na foeroe doro sma na oso. Efoe na fesidoro no e opo, dan a no a foe taki alaten taki nowan sma de na oso. Joe kan si ofoe den sma e gebroiki wan tra doro noso na bakadoro foe go na ini èn komoto a doro,? Efoe a de so dan kande te joe e naki na a doro dati noso e bel drape kande joe kan miti wan sma. A kan toe dati na ososma de na ini na djari noso na ini na garage. Sontron joe e feni wan aparti oso nanga wan doro na sé-sé foe na oso. Kande joe e si na ososma e kon na oso te joe e gwe kaba na wan tra oso. Foe san-ede na so wan okasi joe no sa drai go baka baka wantoe minuut èn bel baka?

⁴ San wi kan taki foe oso pe joe no e miti no wan sma na oso? Skrifi disi tapoe joe oso-foe-osorapport. Gewoonlek a de moro boen foe gebroiki wan aparti rapport foe sma di e sori belangstelling di joe ben sa kan go fisiti agen, sodati joe ben sa kan gi na lijst nanga sma di no ben de na oso na wan tra prékiman efoe joesrefi no man foe go fisiti den. Te den e loekoe soema nanga soema no ben de na oso dan foeroe ben si taki a de wan boen sani foe go baka na tapoe difrenti momenti, foe di disi e meki na tjans kon moro bigi foe miti wan sma na oso. Son prékiman ben kan miti foeroe sma foe di bakaten tapoe na srefi dé ofoe na srefi neti den ben go fisiti den baka. Den sma di no de na oso na den wiki-dé, nofotron den de na oso na a kaba foe a wiki ofoe tra fasi. Den groepoe di e préki wiki-dé kan kenki den lijst nanga den di wroko na a kaba foe a wiki, èn na so wan fasi den e si tjans foe miti wan aantal foe den sma disi. Wi getrowfasi foe skrifi den bericht disi èn foe tan loekoe den, e sori wi lobi gi trawan èn na winsi foe wi foe plisi Jehovah. — Luk. 16:10.

⁵ De srekasreka foe gebroiki tra okasi foe gi kotoigi ini na gebied. Kande joe e miti sma di e koiri pikinso, e sidon tapoe wan bangi noso e wakti wan bus. Efoe joe e bigin taki nanga den nanga wan switi lafoe tapoe joe fesi, kande joe sa kisi wan jesi di e arki. Ooktoe a boen foe fisiti wenkri nanga kantoro efoe a no de druk toemsi. Nofotron joe kan miti jongoewan te joe e doe dienst. No meki na okasi pasa foe prati nanga den toe wan bijbel prakseri, bikasi ooktoe den libi de prenspari. — Matt. 19:14.

Komakandra di e jepi wi foe meki discipel

WIKI DI E BIGIN TAPOE 28 JULI

Singi 57

10 min: Wantoe sani foe a gemeente èn takmakandra foe na kader tapoe bladzijde 2 di e go foe na April-dienstrapport foe Sranan.

15 min: „Préki a boen njoensoe sondro frede.” Aksi nanga piki. Lési wantoe paragraaf nanga srototekst omoro a ten e gi pasi foe doe so. Gi te joe e taki foe paragraaf 5 wan sjatoe overzicht foe den punt foe takmakandra ini a Tégo libi-boekoe.