Yesus libi nanga diniwroko

Gi leri morofara na tapu na di fu seibi dei

NA LAATSTE dei fu na wiwirikampufesa, na di fu seibi dei, no psa ete. Yesus e gi leri na sma na ini na pisi fu na tempel di den e kari „na gudukamra”. Disi a de krin de a pisi fu na tempel di den e kari na fesi dyari fu den uma, de kisi tanapu pe den sma kan poti den bijdrage na ini.

Na a ten fu na fesa dan ala neti na ini na pisi disi fu na tempel spesrutu faya e leti. Den abi drape fo bun bigi kandratiki, ibriwan nanga fo bigi preti di furu nanga oli. Na leti fu den tinasiksi preti disi nanga oli di e bron de krakti nofo fu gi faya na wan bun pisi fu na kontren. San Yesus e taki now, kan memre den arkiman fu en na a spesrutu faya disi. „Mi de a leti fu grontapu”, Yesus e ferteri. „Suma e waka na mi baka, kwetkweti no sa waka na ini dungru, ma sa abi na leti fu na libi.”

Den Fariseiman e kakafutu gi disi èn e taki: „Yu e kotoigi gi yusrefi; na kotoigi fu yu no de tru.”

Yesus e piki: „Awinsi mi e kotoigi gi misrefi dan wi kotoigi de tog tru, bika mi sabi fu pe mi komoto èn pe mi e go, ma unu no sabi fu pe mi komoto èn fu pe mi e go”. Èn a e taki morofara: „A de mi di e gi kotoigi fu misrefi, èn na Tata di seni mi kon, e kotoigi fu mi.”

„Pe yu Tata de?” den Fariseiman wani sabi.

„Unu no sabi mi èn ooktu unu no sabi mi Tata”, Yesus e piki. „Efu unu ben sa sabi mi, dan inu ben sa sabi mi Tata ooktu.” Awinsi den Fariseiman wani dati den kisi Yesus ete, toku nowan sma e fasi en.

„Mi e gwe”, Yesus e taki. „Pe mi e go, unu no kan kon.”

Tapu disi den dyu e bigin aksi densrefi: „A no sa kiri ensrefi, tog? Bika a e taki: ’Pe mi e go, unu no kan kon.’”

„Unu de fu den guduman dya na ondro”, Yesus e tyari kon a krin. „Mi de fu den guduman na tapu”. Unu de fu na grontapu disi; mi no de fu na grontapu disi.” A e taki morofara: „Efu unu no e bribi dati a de mi, dan unu sa dede na ini unu sondu.”

Yesus a no de fu taki e sori tapu a de di a ben de na ini libi bifo a ben tron wan libisma èn tapu a sani dati a de na pramisi Messias ofu Kristus. Toku den e aksi, sondro degedege nanga bigi feragti: „Suma na yu?”

Aladi Yesus ben ferstan dati den ben trowe en a e piki: „Fu san-ede mi e taki ete nanga unu?” Toku a e taki dan: „A sma di ben seni mi, de tru èn den sani di mi ben yere fu en, a dati mi e taki ini na grontapu”. Dan Yesus e taki morofara: „Te unu opo na Manpikin go na tapu kaba, dan unu sa sabi dati a ben de mi, èn dati mi no e du noti fu misrefi, ma den sani disi mi e taki soleki na Tata ben leri mi. Èn a sma di ben seni mi, de nanga mi; a no ben libi mi na misrefi abra, fudi mi e du alaten den sani di e plisi en.”

Te Yesus e taki den sani disi, dan furu sma e poti bribi na ini en. Gi den sma disi a e taki: „Efu unu tan na ini mi wortu, dan unu sa de trutru disipel fu mi, èn unu sa sabi na waarheid, èn na waarheid sa meki unu kon fri.”

„Wi na Abraham geslagti”, den gensman fu en e kon a mindri, „èn noiti wi ben de a srafu fu wan sma. Fa yu kan taki: ’Yu sa meki unu kon fri’?”

Aladi den dyu nofotron ben de ondro vreemde makti, toku den no e erken nowan enkri makti di e kwinsi den leki meester. Den e weigri fu sma kari den srafu. Ma Yesus e sori a tapu dati den de fu tru srafu. Na sortu fasi? „Fu tru, fu tru, mi e taigi unu”, Yesus e taki, „Ala sma di e du sondu, na wan srafu fu na sondu.”

Dati den dyu e weigri fu piki dati den de srafu fu sondu, e poti den ini wan kefarlek positie. „Na srafu no e tan fu tego ini na osofamiri”, Yesus e tyari kon a krin. „Na manpikin e tan fu tego.” Fudi wan srafu no de erfgeregtigd, dan ai de ini na kefar fu alaten den seni en gwe. Soso na manpikin di trutru gebore na ini na osofamiri ofu di den teki leki manpikin, e tan „fu tego”, dati wani taki, so langa a e libi.

„Efu na Manpikin fu dat’ede meki yu kon fri”, so Yesus e go moro fara, „dan unu sa de trutru fri.” Na waarheid di e meki sma kon fri, de sobun na waarheid di e go fu na Manpikin Yesus Kristus. Soso fu na ofrandi fu en volmaakti libismalibi wan sma kan kon fri fu na sondu di e tyari dede kon. Yohannes 8:12-36.

◆ Pe Yesus e gi leri na sma na tapu na di fu seibi dei? San e psa drape na neti, èn fa disi abi fu du nanga na leri fu Yesus?

◆ San Yesus e taki fu a bigin fu en libi èn san disi mu tyari kon a krin fu a tori suma a de?

◆ Na ini sortu fasi den dyu de srafu, ma sortu waarheid sa meki den kon fri?