Yeyses libi nanga diniwroko

Wrokoman na ini na droyfipranasi

„FURU sma di de den fosiwan,” na so Yeyses ben taki dyonsrode, „sa de den kriboywan, èn den kriboywan den fosiwan.” Now a e sori san disi wani taki fu di a e fruteri wan tori. „Na kownukondre fu heymel”, no so a e bigin, „de leki wan libisma, wan masra fu na oso, di fruku mmanten ben go a doro fu yuru wrokoman gi en droyfipranasi.”

Yeyses e go moro fara: „Di [na masra fu na oso] ben kruderi nanga den wrokoman fu pay den wan dinarius wan dey, a ben seni den go na ini en droyfipranasi. Di na a ten fu na di fu dri yuru a ben go baka a doro, a ben si tra sma tanapu sondro wroko na a wwoyopresi, èn a taygi den disi: ’Unu go tu na ini na droyfipranasi, èn mi sa gi unu san fiti.’ Den ben go fu dati-ede. Na a ten fu na di fu siksi èn na di fu neygi yuru a ben go ete wan tron a doro èn ben du a srefi. Te fu kba a ben go na a ten fu na di fu erfu yuru èn a ben feni trawan tanapu èn a ben taygi den: ’Fu san-ede unu e tanapu dya heri dey sondro wroko?’ Den taygi en: ’Fu di no wan sma yuru wi.’ A taygi den: ’Un go tu na ini na droyfipranasi.’”

Na masra fu na oso, ofu na eyginari fu na droyfipranasi, na Yehovah Gado èn na droyfipranasi na a nâsi Israèl. Den wrokoman na ini na droyfi pranasi na sma di tyari kon na ini na wetfrubontu, spesrutu den dyu di e libi na ini den dey fu den apostru. Soso nanga den sma di ben sa wroko na heri dey wan kruderi ben meki fu wan payman. A payman na wan dinarius fu wan heri dey wroko. Fu di „na di fu dri yuru” de neygi yuru mmanten, meki den sma di ben kisi kari na a di fu dri yuru, na di fu siksi yuru, na di fu neygi yuru nanga na di fu erfu yuru baka makandra wroko soso neygi, siksi, dri nanga wan yuru.

Den wrokoman di wroko na heri dey ofu twarfu yuru langa, de den dyu tiriman, di doronomo ben du kerki diniwroko. Den no de leki Yeyses disipri di a moro bigi pisi fu a libi fu den den ben du fisiwroko nanga tra grontapu wroko. A no ben de te na a mofoyari fu 29 G.T. taki „na masra fu na oso” ben seni Yeyses Krestes go fu tyari den disi kon makandra leki en disipri. Na so fasi den ben tron den „kriboywan” ofu den sma di ben bigin wroko na a di fu erfu yuru na ini na droyfipranasi.

Te fu kba na agersi wrokodey e kon na wan kba nanga na dede fu Yeyses èn a ten e doro fu pay den wrokoman. Na ongewoon lin e kon fu pay den kriboywan fosi so leki e tyari kon na krin: „Di a ben kon de neti, na masra fu na droyfi pranasi taygi en basya: ’Kari den wrokoman èn pay den den moni, fu bigin nanga den kriboywan èn go so doro te na den fosiwan.’ Di den man fu na di fu erfu yuru ben kon, ibriwan ben kisi wan dinarius. Di now den fosiwan ben kon, dan den ben prakseri taki den ben sa kisi moro ma den srefi ben kisi ibriwan wan dinarius leki pay. Di den ben kisi dati den ben go knoru na na masra fu na oso èn ben taki: ’Den kriboywan disi wroko wan yuru; toku yu ben poti den a srefi leki wi, di ben tyari na lay fu na dey èn na hati son!’ Ma a ben piki wan fu den: ’Mati, mi no e du yu ogri. Yu no ben kruderi nanga mi fu wan dinarius? Teki san de fu yu èn go. Mi wani gi na den kriboywan disi a srefi leki yu. Mi no abi pasi fu du nanga mi eygi sani san mi wani? Ofu a de so taki yu ay ogri fu di mi e du bun?’” Leki bosroyti Yeyses e taki ete wan tron wan sani di a ben taki kba: „Na so fasi den kriboywan sa de den fosiwan èn den fosiwan den kriboywan.”

Na denarius no ben gi na a ten fu Yeyses dede, ma nanga Penkstri fu 33 G.T., di Yeyses, na „basya”, ben kanti santa yeye tapu en disipri. Den disipri disi fu Yeyses ben de leki den „kriboywan”, ofu den wrokoman fu na di fu erfu yuru.

Na denarius no e prenki na presenti fu na santa yeye srefi. Na denarius ben de wan sani san den disipri musu kobroyki dya na grontapu. A ben de wan sani san ben wani taki a libi fu den, na têgo libi fu den. A ben de na grani fu de wan yeye Israèl sma, èn kisi salfu fu preyki Gado Kownukondre.

Den sma di den ben teki fosi na ini a diniwroko, ben si esi-esi kba taki Yeyses disipri ben kisi a payman fu den èn ben si fa den ben kobroyki na agersi denarius. Ma den ben wani moro leki na santa yeye èn den kownukondre grani di ben tay nanga dati. A knoru fu den èn den sani di den ben taki ben kon de na ini a vorm fu frufolgu fu kresten disipri, ’den kriboy’ wrokoman ini na droyfipranasi.

Na kontru na ini na fosi yarihondro na a wan enkri kon tru fu Yeyses agersitori? Nôno, den kerki leriman fu na krestenhèyt na ini a di fu twenti yarihondro disi tapu a gron fu den posisi nanga frantiwortu den ben teki na wroko leki den „fosiwan” fu wroko na ini na agersi droyfipranasi fu Gado. Den ben si den preykiman di ben gi den srefi abra na Gado èn di ben tay na a Watch Tower Bible and Tract Society, leki den „kriboywan” di ben kisi wan wroko di ben abi krakti na ini a diniwroko fu Gado. Ma te yu luku en bun dan yoysti den sma disi di den kerki leriman ben wisiwasi, kon kisi na denarius — na grani fu dini leki salfu boskopuman fu Gado heymel kownukondre. Mateyus 19:30—20:16.

◆ San na droyfipranasi e prenki? Suma na eyginari fu na droyfipranasi, den wrokoman di wroko na heri dey èn den sma di ben du disi wan yuru e prenki?

◆ Oten na agersi wrokodey kon na wan kba, èn oten na moni ben pay?

◆ San na pay di den pay na denarius e prenki?