Jepi trawan foe leri foe Gado Manpikin, Jesus Krestes
1 December na a moen te moro foeroe foe den so-kari kresten e prakseri Jesus moro leki ini wan tra ten foe a jari. Dati meki, a de wan boen moen foe pristeri a boekoe A moro bigi libisma foe ala ten. Foe di a boekoe disi abi waarde, wi moesoe kon sabi efoe na ososma wani foe leri moro foe Gado Manpikin nanga opregti belangstelling, bifo wi e pristeri a boekoe. Fa wi kan doe dati?
2 Proeberi foe bigin wan takimakandra wantewante, di gron tapoe bijbel èn di e poti prakseri soso tapoe Jesus.
Baka te joe taki na ososma odi, joe kan taki wan sani leki disi:
◼ „Tide wi e aksi den birtisma foe wi san den e prakseri, te den e leisi ini den bijbel foe den, foe libi foe têgo. [Gi okasi foe piki.] A de spesroetoe prenspari bikasi bijbel e taki foe a man di a man dati so wan fotenti tron. San so wan libi ben sa kan wani taki gi wi? Loekoe san Openbaring 21:4 e taki. [Leisi.] Joe si san ben pramisi? [Gi okasi foe piki.] Fa wi kan kisi têgo libi?” Leisi Johanes 17:3 èn poti krakti na tapoe a fanowdoe foe teki sabi foe Gado nanga Jesus Krestes, en Manpikin. Efoe na ososma e sori pikinso belangstelling, sori en a Moro bigi libisma-boekoe, èn gebroiki den ondro-edewortoe ini a wortoe na fesi foe wiki en belangstelling moro fara.
3 Efoe na a bigin na ososma ben sori pikinso belangstelling, dan joe kan pristeri en den njoen nomroe foe A Waktitoren nanga Ontwaakt! noso a traktaat A grontapoe disi sa tan? Poti prakseri tapoe wan noso toe spesroetoe penti di de ini a poeblikâsi di joe pristeri. Aksi foe kon baka na wan ten di fiti foe go doro nanga a takimakandra foe a tori nanga en.
4 Efoe a sori taki na ososma abi en druk, dan a sa de wan koni sani foe sjatoe a presenteri di de na tapoesei. Moro njoen preikiman sa feni a presenteri di e kon now makriki toe foe gebroiki.
Baka te wi kari wi nen, wi ben kan taki:
◼ „Tide wi e aksi den birtisma foe wi san den e prakseri te den e leisi ini den bijbel foe den foe a kisi di den kan kisi têgo libi. Foe eksempre, loekoe san Jesus ben taki na Johanes 17:3. [Leisi.] Foe jepi sma foe leri moro foe Jesus Krestes èn foe san en ben gi leri, a boekoe disi tjari kon na doro.” Opo a Moro bigi libisma-boekoe na wan toe foe den moi prenki. Drai go na a wortoe na fesi èn leisi a di foe toe paragraaf foe na ondro-edewortoe „Njanboen foe a leri di wi e leri foe en.” Efoe na ososma abi belangstelling, pristeri en a boekoe.
5 Efoe na ososma teki a boekoe, dan poti a fondamenti gi wan bijbelstudie foe di joe e aksi foe taki makandra foe a fosi kapitel, „Boskopoe foe hemel”, tapoe a momenti dati noso na wan tra fisiti wan toe dei a baka. Na presi foe joe taigi na ososma wan soifri pisi ten di moesoe gebroiki na a tra fisiti, taki nomo dati ini soso wan toe miniti a kan leri moro bodoi gi san a sa abi belangstelling, foe Jesus Krestes, foe Gado Wortoe, bijbel.
6 Meki a de so taki wi alamala e gebroiki a grontapoe fakansi ten disi, foe poti prakseri tapoe a waarheid foe Gado Manpikin, Jesus Krestes, foe kan jepi trawan foe kon tapoe a pasi foe têgo libi.—Mat. 7:14.