Tjari sma go na Jehovah organisaatsi
„Abi lobi gi na heri gemeenschap foe brada.” — 1 PETRUS 2:17.
1, 2. San kristen leriman boiti kerkileri e gi abra moro ete?
NA WROKO foe wan leriman de, foe ferteri, troe tori. Ma wan boen leriman e doe moro leki dati. A e tjari waarderi go abra, e jepi na studenti foe si na prensparifasi foe san a e leri èn e sori en fa a kan gebroiki san a e leri na a moro boen fasi. Disi de spesroetoe gi na kristen leriman. Séker, a moe ferteri „na waarheid foe Gado” (Rom. 1:25). Ma dati wani taki moro leki soso foe sabi kerki leri. Na bijbel e gi tranga foe leri sma na frede foe Jehovah, èn ooktoe den égifasi foe boenfasi èn ferstan fasi. — Ps. 34:11; 119:66.
2 Jezus ben kari moro sani ete di sma moe 1eri: „Meki discipel foe sma foe ala naatsi . . . èn leri den foe hori ala den sani di mi e gi oenoe komando” (Matt. 28:19, 20). ’Ala sani di mi gi oenoe komando’ wani taki foe abi wan prati na a prékiwroko na a heri grontapoe, di ben taki na fesi gi na ten foe wi (Matt. 24:14). Èn ete wan tra sani de di wi moe gi abra na wi bijbelstudenti. San dan? Foe kisi wan piki tapoe na aksi disi, meki wi go loekoe pikinso na diniwroko foe na apostel Paulus èn dan loekoe boen san spesroetoe ben kon moro na fesi na ini en leri.
Paulus leki orgaman
3. Fa Paulus ben doe di a ben gi leri na sma ini Korente di ben kisi belangstelling njoenjoen?
3 Na a fosi fisiti foe en na Korinte na apostel Paulus ben feni foeroe jesi di ben arki, ala di gens foe na sé foe na djoe gemeenschap ben de. Ma Paulus ben leri den njoen sma disi di ben abi belangstelling no wawan foe di a ben leri den aparti. Soleki wi kan lési, „a ben hari komoto [foe na djoe kerki] èn a ben go na a oso foe wan sma di ben nen Titius Justus, wan anbegiman foe Gado, di en oso ben tanapoe na sé a djoe kerki” (Tor 18:7). Na oso dati ben tron wan presi pe njoen discipel ben kan kon makandra foe anbegi Gado makandra. Heri esi Paulus ben orga den kon tron an gemeente. — 1 Kor. 1:2.
4. San ben psa heri esi kaba baka di Paulus ben bigin drape nanga a leri foe sma?
4 Bakaten Paulus ben reis go moro fara na Efese, pe net so wan sani ben feni presi. A ben leri njoen sma di ben abi belangstelling aparti, „oso-foe-oso” (Tori. 20:20). Ma a ben seti sani ooktoe es’esi dati den njoen discipel, ben kan de nanga makandra. A ben „poti den discipel aparti [den djoe], aladi ala dé a ben hori lezing na ini na komakandrapresi na ini a skoro foe Tyrannus” (Tori. 19:9). A no ben teki langa ofoe a groepoe kristen disi toe ben orga tron wan gemeente nanga owroe man di ben poti foe doe wroko. — Tori 20:17, 18.
5. San kristen leriman ini na fosi jarhondro ben doe so esi leki a kan nanga njoen sma?
5 A de krin dati te na ini na fosi jarhondro njoen sma ben teki na waarheid, den no ben libi den a densrefi abra. Den ben tjari kon makandra na ini gemeente. A ben gi den gemeente disi prisiri foe kisi dek’ati foe na tiriskin foe na ten dati. Lepi brada soleki Paulus nanga Barnabas ben gi foeroe ten foe gi leri na sma na ini a nj:oen gemeente disi di ben opo èn ’nanga foeroe trawan ete foe meki a boen njoensoe foe na Wortoe foe Jehovah bekenti’ (Tori. 15:30-35). Foe san-ede den ben doe disi? Foe san-ede den no ben libi njoen sma na densrefi abra sodati den ben kan bow na tapoe den njoen konsensi di ben oefen èn meki dati tjari den na ini a bepaal foe san ben de boen?
Foe san-ede gemeente?
6. Foe san-ede meki den fosten kristen ben orga tron gemeente?
6 Foe disi foeroe rede de, foe san wi sa kari wantoe. Na ini a fosi presi a ben de so, dati te wan sma ben tron wan kristen, a no ben abi foeroe sani moro a srefi leki a grontapoe lontoe en (Joh. 17:14, 15). Efoe a ben sa de aparti en wawan èn a ben libi abra na ensrefi, dan dati ben sa de wan situwasi pe no wan sma ben o bemoei nanga en sref’srefi. Ma foe di a abi demakandra nanga kompe kristen na ini a gemeente foe a presi pe a de, a ben sa kisi tranga foe kibri ensrefi aparti foe na grontapoe. Boiti foe dati, Jezus ben taki dati en bakaman ben sa de „wán” (Joh. 17:11). Na wanfasi dati ben de foe si spesroetoe na ini den gemeente. Jezus ben taki ooktoe: „Nanga disi ala sma sa sabi dati oenoe de mi discipel efoe oen abi lobi gi makandra” (Joh. 13:35). Efoe kristensma ben wani sori na lobi disi tapoe sowan fasi dati a ben sa de leki wan marki gi dorosé sma, dan den moesoe teki poti na ini wan gemeenschap. Den gemeenschap disi ben de den kristen gemeente na ini a presi pe den de, pe kristensma e hori ai tapoe den jeje èn skin tanboen foe makandra (Fil. 2:4). Na gi jepi foe eksempre na weduwe, foe san Paulus ben taki nanga Timotéus, ben orga nanga jepi foe den gemeente èn dati de krin. — 1 Tim. 5:3-10.
7. (a) San den wortoe foe Paulus na ini Hebrewsma 10:24, 25 wani taki? (b) Sortoe rol den fosi jarhondro gemeente ben e pré na ini a prékiwroko?
7 Foe dat’ede meki den wortoe foe Paulus di e kon now ben de wan dek’ati di ben gi langalanga foe jepi na gemeente foe a presi pe wan sma de: „Meki wi hori wan ai tapoe makandra foe gi makandra tranga foe sori lobi nanga toemsi boen wroko, foe no libi a komakandra nanga makandra, soleki a de a gwenti foe sonwan, ma foe gi makandra tranga èn dati moro so te joe si a dé e kon krosbé” (Hebr. 10:24, 25). Boiti foe dati, na préki foe na boen njoensoe foe na Kownoekondre, wan préki di na ini na fosi jari hondro ben doe tapoe sowan aparti fasi, ben doe krin tapoe wan orga fasi nanga jepi foe den gemeente (Rom. 10:11-15). Na so den owroe man na ini na gemeente Antiochië na ondro na tiri foe santa jeje ben seni Paulus nanga Barnabas leki zendeling go na niet-toegewezen gebied èn Paulus ben erken a makti foe den owroeman ini na gemeente Jeruzalem na ini a tori foe na gebied pe a ben moesoe doe en préki wroko. — Tori. 13:1-3; Gal. 2:8-10.
Gemeente di de ini a presi pe wan sma de ini a ten disi
8, 9. San de wan toe rede foe san-ede meki ooktoe wi moe tjari den sma di abi belangstelling go na a gemeente pe wi de?
8 San wi kan leri na ini a ten disi foe na historia achtergrond disi? Dati wi ooktoe moe tjari sma di sori njoenjoen belangstelling go na a kristen gemeente. Net soleki a ben de na ini den dé foe Paulus na so ooktoe ini a ten disi na kristendom no de wan bribi foe kluizenaar. „A sma di e poti ensrefi aparti, sa soekoe en égi gridi lostoe” na boekoe Odo e warskow (Odo 18:1). Na a tra sé a de so, dati ’a sma di e waka nanga koniwan sa kon koni’ (Odo 13:20). Njoen sma abi na jeje, moreel nanga emotioneel jepl fanowdoe di na kristen gemeente e gi. Den moe ondrofeni na lobi foe kompe kristen èn ooktoe na jepi foe den owroeman èn na switi wanfasi di e meki a de sowan prisiri èn aparti ondrofeni foe de wan kristen. — Ps. 133:1.
9 Ooktoe na ini a ten disi na préki wroko na a heri grontapoe foe na boen njoensoe foe na Kownoekondre e doe moro foeroe nanga jepi foe kristen gemeente foe a presi pe wan sma de tapoe wan orga fasi (Matt. 24:14). Efoe dat’ede wi e gi leri na njoen sma na ini a tori foe den ferplekti foe den foe abi wan prati na a wroko dati, dan wi moe tjari den go na a kristen gemeente foe a presi pe den de èn sori den fa den moe wroko makandra nanga en.
Wan internationaal bradafasi
10. Kari wan toe tekst di e sori tapoe internationale wanfasi foe den fosi jarhondro kristensma.
10 Ma na apostel Paulus ben doe moro leki a tjari foe njoen sma go wawan na ini wan gemeente pe a ben de. Moro ben de ini a tori. A ben taigi den Efesesma: „Wán skin de èn wan jeje, soleki ooktoe wi ben kisi kari na ini a wan howpoe di den ben kari joe go” (Ef. 4:4). Na a heri grontapoe soso wán „skin” ben de, no wan lo foe gemeente di ben panjapanja na ini wan presi èn di ben de onafhankelek foe makandra. Jezus ben sori ooktoe na den memre foe na „skin” na grontapoe di ben de na libi di a ben taki foe wan „getrow èn koni srafoe”, di kisi na magti foe sorgoe foe „njanjan” gi den „oso-knegti” (Matt. 24:45-47). Aparti kristen na a heri grontapoe ben moe erken na magti foe na „srafoe” disi ofoe den ben wan „kisi njanjan” foe en. Disi ben sa abi leki bakapisi wan internationaal gemeenschap.
11. (a) Fa Petrus ben kari na internationale organisaatsi disi foe kristensma? (b) Sortoe seti ben kibri na wanfasi foe kerki leri foe den fosi jarhondro kristensma? Fa Paulus ben sori taki a ben erken na seti disi?
11 Foe dat’ede na apostel Petrus ben taki foe ala kristen foe a ten foe en leki „na heri Gemeenschap foe brada” (1 Petr. 2:17). Den ben de wan internationale „gemeenschap” (Griki: adélfotès, „bradafasi”). Njoen sma no ben tron wawan wan pisi foe na gemeente pe den ben de, ma foe na heri internationaal bradafasi disi. Gemeente ben de ini kontakti nanga makandra (Kol. 4:15, 16). Te aksi ben de di ben abi foe doe nanga kerki leri dan kristensma no ben teki den égi bosroiti. Foe wan piki di ben abi krakti den ben e loekoe na den owroe man foe na gemeente foe Jeruzalem, di ini a ten dati ben doe wroko gi ala kristen na a heri grontapoe leki wan tiri skin (Tori. 15:2, 6-22). Paulus srefi ben erken na makti foe na skin dati ini a tori foe kerki leri. Aladi a ben kisi na waarheid nanga jepi foe wan spesroetoe openbaring foe Jezus Kristus, tokoe ete a ben reis go na Jeruzalem èn a ben ferklari gi den na boen njoensoe di a ben préki, ’foe di a ben frede dati tapoe wan ofoe tra fasi en waka ofoe ben waka tapoe wan fasi di ben de foe soso’. — Gal. 1:11, 12; 2:1, 2, 7-10.
12. Nanga sortoe jepi „na heri gemeenschap foe brada” ben smeti kon moro tranga na makandra?
12 Foe kibri na wanfasi foe denki nanga handri na ini „na heri gemeenschap” foe brada, meki den ben seni bedinari di e reis, soleki Timotéus nanga Epafroditus foe fisiti den èn foe bow den èn den ben meki brifi waka lontoe a mindri den soleki di foe Paulus, Petrus, Jakobus, Johannes nanga Judas. Foe di sowan bradafasi ben de, meki goedoe kristen ini tra kóndre ben kisi foe jere dati den brada foe den na ini Judéa ben de ini mofina omstandigheden foe di den ben psa wan moeiliki ten drape, èn Paulus — nanga jepi foe den gemeente — ben kan seti wan programma foe jepi den mofinawan (1 Kor. 16:1-4). Ooktoe aparti kristen ben kisi tranga te den ben kisi njoensoe foe jere foe na hori doro èn na bribi foe ’na heri gemeenschap foe den brada foe den ini na grontapoe’. — 1 Petr. 5:9.
Tjari njoen sma go ini „na heri gemeenschap”
13. San na wan toe akroederi na mindri „na heri gemeenschap foe brada” na a heri grontapoe na ini na fosi jarhondro èn na ini disi ten?
13 Na ini a ten disi sowan sani de ooktoe leki wan „heri gemeenschap foe brada”? Ija séker. „Na getrow èn koni srafoe” de te now ete èn abi te now ete na frantwortoe foe sorgoe foe „njanjan” gi den „oso knegti” (Matt. 24:45-47). Net soleki fa a ben de na ini den dé foe Paulus na so wan tiri skin e teki presi gi na „srafoe” disi, di abi na tiri tapoe na préki foe na boen njoensoe na a heri grontapoe. Ooktoe na ini a ten disi na internationale wanfasi moe kon stéfi nanga jepi foe brifi nanga boekoe di druk èn di komoto foe na tiri skin disi, èn ooktoe nanga jepi foe lepi leriman di e dini na ini den gemeente. Te wan sma foe dat’ede leri sabi a waarheid, a e leri fa a moe go tron wan pisi foe a gemeente pe a de èn ooktoe fa a moe go firi ensrefi wan pisi foe ’na heri gemeenschap foe den brada na a heri grontapoe’. A de na frantwortoe foe na kristen leriman foe jepi en bijbel studenti na ini disi. Fa a kan doe disi?
Jepi trawan foe lobi „na heri gemeenschap”
14. Sortoe fasi joe ben feni e tjari wini kon foe ferteri bijbelstudenti wan sani foe na gemeente pe joe de èn ooktoe foe na internationale organisaatsi foe Gado pipel?
14 Na kristen leriman kan ferteri en studenti wan sani foe na gemeente èn na internationale bradafasi èn moro fara a kan sori bepaalde sani di abi foe doe anga dati. Fa a kan ferteri den disi? Djaso wan toe fasi e kon di leriman di abi ondrofeni ben gebroiki heri boen: Gebroiki pikinso ten bifo ofoe baka na bijbelstudie foe taki foe na gemeente èn na prenspari rol di leki fa a bijbel e taki a e doe, èn ooktoe foe „na getrow èn koni srafoe” èn na fasi fa disi e dini wi now. Ferteri foe na Kownoekondrezaal èn den komakandra. Taki foe moi sani di joe ben leri na den komakandra. Taki na ini joe begi bifo èn baka na studie foe na gemeente foe na presi pe joe de, èn ooktoe foe na internationale bradafasi.
15. San de wantoe heri boen fasi foe sori njoen sma di kisi belangstelling na gemeente pe joe de èn na internationale organisaatsi?
15 Ma fa wi kan sori den sani disi? Djaso wan toe fasi e kon di e sori taki den e wroko boen: Kari so esi leki joe kan tra memre foe na gemeente kon nanga joe na a studie, sodati na studenti so esi leki a kan lan bigin meki njoen mati. A de prenspari dati a go ferstan es’esi dati san a e lasi tapoe a kontren foe matifasi na ini a owroe seti foe sani, a e kisi moro foeroe nanga jepi foe njoen sabiman na ini ’na heri gemeenschap foe brada na ini a grontapoe’ (1 Petr. 5:9; Matt. 19:27-29). Meki wan boen gebroiki foe na brochure Jehovah Kotoigi na ini a di foe twenti jarhondro. Djaso den e ferteri fa na disi ten internationaal organisaatsi foe Jehovah Kotoigi, aladi wan toe moi prenki de na ini foe wan bigi congres, wan Kownoekondrezaal, wan komakandra di e hori, na préki wroko èn so moro fara. Meki na studenti kisi wan idee nanga en ai foe na bigi foe „na heri gemeenschap foe brada”. Ooktoe kapitel 23 foe na boekoe Joe kan libi foe tégo na ini wan paradijs na grontapoe e gi wan moi prenki foe Gado organisaatsi ini na ten disi.
16. (a) San wi moesoe doe so esi leki a kan nanga wi bijbelstudenti? Foe sortoe réde foe na bijbel? (b) Fa wi kan njan boen foe na fisiti foe kring- ofoe districtsopziener foe jepi bijbelstudenti foe tron wan pisi foe a pipel foe Gado?
16 Go prakseri ooktoe dati Paulus na ini Efese pikin moro wantewante baka di a ben feni belangstelling ben orga komakandra (Tori. 19:9, 10). A ben taki gi na gemeente ini Korinte dati te wan „sma di no de ini bribi ofoe wan gewoon sma” kon na tapoe wan kristen komakandra di e waka tapoe wan orga fasi, „den kibri tori foe en ati [sa kon na krin], sodati a sa fadon tapoe en fesi èn sa anbegi Gado èn sa ferklari: ’Gado de troetroe na ini oen mindri’” (1 Kor. 14:24, 25). Na so a de ooktoe na ini a ten disi: O moro esi wan studenti e bigin tai ensrefi nanga na gemeente foe a presi pe a de o moro esi a sa herken pe na waarheid de troetroe foe feni. Foe na rede disi meki kristen leriman e kari den studenti foe den foe fisiti so esi leki a kan gemeente komakandra èn moro bigi komakandra. Efoe a de fanowdoe dan den e doe foeroe moeiti foe go teki na sma di abi belangstelling èn foe tjari en go densrefi na den komakandra. Te na gemeente foe den e kisi fisiti foe wan disiten „Titus ofoe Epafroditus”, wan kring ofoe districtsopziener, dan den e sorgoe dati a bijbelstudenti foo den e kon leri sabi en èn en oema, aladi den fisitiman kande e kisi a kari foe teki prati na a geregelde bijbelstudi.
17. San de foe dat’ede wan prenspari pisi foe a wroko foe wi di de na ini a leri foe sma èn a meki foe discipel? (Matt. 28:19, 20) Fa disi de leki wini gi wi studenti?
17 Na gemeente foe Jehovah na a heri grontapoe foe salfoewan de „wan pilari èn jepi foe na waarheid” (1 Tim. 3:15). Efoe sma di njoenjoen kisi belangstelling wani njan boen foe na „jepi dati”, dan den moe sroiti densrefi na den hondrohondro, doesoendoesoen safri-ati sma di e go moksi densrefi na ipi-ipi nanga den salfoe wan disi (Zach. 8:23). Na ini a ten disi den safri-atiwan disi tron wan internationaal bradafasi foe moro leki toe nanga afoe miljoen sma, èn na teki foe na waarheid wani taki, dati wan sma e tai ensrefi nanga na internationaal bradafasi dati. Efoe sma di kisi belangstelling njoenjoen tron wan pisi foe en, dan den e kisi ala jepi èn kibri di a e gi. Den e prisiri na ini na tranga lobi foe den kompe kristen foe den èn den abi na okasi foe piki a lobi dati foe a sé foe den (Hebr. 13:1). Disi wani taki ooktoe dati den o de wan pisi foe wan internationaal ipi di o psa libilibi a bigi benawtoe di o kon èn di baka dati sa prisiri foe tégo na ini prisiri demakandra nanga makandra (Openb. 7:9-17). O bigi na ipi disi sa de wi no sabi ete. Leri joe bijbelstudenti soboen no wawan kerkileri ma no fergiti ooktoe, foe tjari den go na a organisaatsi èn foe leri den foe abi lobi gi „na heri gemeenschap foe brada”. — 1 Petr. 2:17.
Joe kan memre disi ete?
◻ San Paulus ben doe nanga belangstelling ini Efese nanga Korinte?
◻ Fa na sani di Paulus ben doe na fasi dati ben de leki wini gi njoen sma?
◻ Nanga san wi moe tjari wi bijbelstudenti kon ini kontakti, boiti dati wi e leri den kerkileri?
◻ San de wantoe praktisch fasi foe doe disi?
[Prenki na tapoe bladzijde 12]
Njoensma e kisi wan switikon na ini a „heri gemeenschap foe brada”