Bijbel—Wan buku fu tru tori nanga profeititori

A video Het oudste moderne boek van de mensheid, na a fosiwan fu den dri video di de tapu a DVD De Bijbel — Een boek van feiten en profetieën. Baka te yu luku a video disi, dan piki den aksi di e kon now:

(1) Na sortu fasi Bijbel e kruderi nanga sabidensi? (2) Fa wi du sabi taki den Bijbel di wi abi na ini a ten disi skrifi abra soifri fu den owruten dokumenti? (3) San na wan tumusi aparti sani fu den owruten Bijbel buku di ben skrifi nanga anu? (4) Na sortu fasi John Wycliffe, Johannes Gutenberg, William Tyndale, John Hus, Martin Luther, Casiodoro de Reina, nanga Charles Taze Russell ben yepi fu prati Gado Wortu na heri grontapu, èn fa kerki ben gens Bijbel fayafaya? (5) Fa a bun rai fu Bijbel yepi sma di siki (Ps. 34:8), di ben lobi fu dòbel (1 Tim. 6:9, 10), di ben prati fu den trowpatna èn di ben du sutadu (1 Kor. 13:4, 5; Ef. 5:28-33), èn di ben de nomonomo fu kisi gudu (Mat. 16:26)? (6) Sortu buweisi e sori taki te sma e du san den leri fu Bijbel, dan den no abi bita-ati moro gi sma fu tra kondre, tra kulturu, noso tra ras (Luk. 10:27)? (7) Na sortu fasi yu kon de moro koloku fu di yu du san skrifi na ini Bijbel? (8) Fa yu kan gebroiki a video disi fu yepi trawan?—Luku Wi Kownukondre diniwroko fu februari 2006, bladzijde 8.