Fa fu du wi diniwroko moro bun​—Sreka sani fu go baka

Fu san ede a prenspari: Te wi feni wan sma di wani sabi moro, dan wi wani go baka na en fu poti watra gi a siri di wi prani (1 Kor. 3:6). Fu man du dati wi musu sabi o ten a o de na oso èn wi musu sreka sani fu go baka na en. A ben o bun tu fu poti wan aksi gi na ososma, di wi o piki te wi o go baka na en. Disi o meki taki a sma o angri fu si wi baka. Efu a piki tapu na aksi de na ini a buku di wi libi gi en, dan a o wani leisi en seiker. Te wi e sreka na a fasi disi, dan wi o feni en moro makriki fu go baka, fu di wi nanga na ososma sabi kaba sortu tori wi o taki. Te wi miti en baka, wi kan taigi en taki wi kon fu piki na aksi di wi ben poti a lasti leisi di wi ben de na en, èn wi kan taki go doro fu a tori.