San wi kan leri fu den wan di e dini Yehovah furu yari kaba?

Wi abi brada nanga sisa na ini den gemeente, di dini Yehovah furu yari kaba. Wi kan leri furu fu a fasi fa den frutrow tapu Yehovah. Wi kan aksi den fu fruteri wi fa a ben de fosi na ini na organisâsi èn fa Yehovah yepi den fu pasa muilek ten. Te wi abi Osofamiri Anbegi, wi kan aksi wan fu den brada noso sisa disi fu fruteri wi wan tu moi ondrofenitori.

Efu yu na wan brada noso sisa di dini Yehovah furu yari kaba, dan fruteri den moro yonguwan fa Yehovah yepi yu na ini den ten di pasa. Yakob nanga Yosef ben fruteri den pikin fu den san Yehovah du gi den (Ge 48:21, 22; 50:24, 25). Bakaten, Yehovah taigi osofamiri edeman fu fruteri den pikin fu den san na den bigi sani di Yehovah du gi den (De 4:9, 10; Ps 78:4-7). Papa nanga mama, ma sosrefi trawan na ini a gemeente kan fruteri den moro yonguwan fu den moi sani di Yehovah du na ini en organisâsi.

LUKU A FELEM DEN SORGU TAKI WÁNFASI DE ALADI A WROKO BEN TAPU. BAKA DATI PIKI DEN AKSI DISI:

• Fa a bijkantoro fu Oostenrijk yepi den brada fu wi na ini kondre pe a wroko fu wi ben tapu?

• San den brada disi ben du fu tan abi wan tranga bribi?

• Fu san ede furu preikiman na ini Rumeinia ben gowe libi na organisâsi fu Yehovah, ma san yepi den fu drai kon baka?

• Fa den ondrofenitori disi tranga yu bribi?