Yonguwan​—Taki krin nanga yu papa nanga mama

Fu san ede yu musu taigi yu papa nanga mama krin fa yu e denki? (Odo 23:26). Fu di Yehovah gi den a frantwortu fu sorgu gi yu èn fu yepi yu (Ps 127:3, 4). A o moro muilek gi den fu yepi yu efu yu no e taigi den sortu sani e gi yu broko-ede. Dati ben o meki tu taki yu no man leri fu na ondrofeni di den abi ini a libi. A fowtu fu hori son sani gi yusrefi? Dati no abi fu de so, ma no suku fu kori den fu bribi wan sani di no de so trutru. ​—Odo 3:32.

Fa yu kan taki nanga yu papa nanga mama? Suku wan ten di bun gi yu nanga den. Efu a muilek gi yu fu du dati, yu kan skrifi gi wan fu den fa yu e firi. Ma meki wi taki dati den wani taki fu wan tori di yu no wani taki fu en. Hori na prakseri taki den wani yepi yu trutru. No si yu papa nanga mama leki yu feanti, ma si den leki sma di lobi yu èn di wani yepi yu. Te yu e du ala san yu man fu taki krin nanga yu papa nanga mama, dan yu o kisi wini fu dati yu heri libi langa​—fu têgo!​—Odo 4:10-12.

LUKU A FELEM DI MI BEN YONGU​—FA MI MUSU TAKI NANGA MI PAPA NANGA MAMA? BAKA DATI PIKI DEN AKSI DISI:

• 

  San Esther nanga Partik ben kon si na densrefi?

• 

  San yu kan leri fu Yesus?

• 

  Fa yu papa nanga mama sori taki den e broko den ede nanga yu?

• 

  Sortu Bijbeltekst kan yepi yu fu taki bun nanga yu papa nanga mama?