Incwadzi Yesibili YaSamuweli
22 Davide wabese ukhuluma naJehova asebentisa emavi anayi ingoma,+ ngelilanga Jehova lamsindzisa ngalo kuto tonkhe titsa takhe+ kanye nakuSawula.+ 2 Watsi:
“Jehova ulidvwala lami nendzawo yami yekukhosela+ futsi unguMsindzisi wami.+
3 Nkulunkulu wami ulidvwala lami,+ ngikhosela kuye,
Usihlangu sami+ neluphondvo lwami* lwensindziso,* uyindzawo yami yekukhosela lephephile*+
Uyindzawo lengibalekela kuyo,+ ungumsindzisi wami;+ wena longisindzisako kubantfu labatidlova.
4 Ngikhala kuJehova lokufanele advunyiswe,
Futsi ngitawusindziswa etitseni tami.
7 Ngabita Jehova ngesikhatsi ngicindzetelekile,+
Ngachubeka ngimbita Nkulunkulu wami.
Waliva livi lami asethempelini lakhe,
Nekukhalela kwami lusito kwefika etindlebeni takhe.+
8 Umhlaba wonkhe wacala kutamatama;+
Kwatfutfumela tisekelo temazulu+
Futsi tatamatama ngobe bekatfukutselisiwe.+
9 Intfutfu yenyuka iphuma emakhaleni akhe,
Nemlilo locotfulako waphuma emlonyeni wakhe;+
Emalahle lavutsako aphuma kuye.
10 Wabangela emazulu kutsi agobeke nakwehla yena,+
Futsi ngephansi kwetinyawo takhe+ bekunebumnyama lobukhasa phansi.
11 Wagibela likherubi+ futsi weta andiza.
Bekabonakala asetimphikweni tengilosi.*+
12 Wabese wembatsa bumnyama baba njengelithende,+
Waba semantini lamnyama nasemafini lahlomile.
13 Kwavutsa emalahle ngenca yekukhanya lobekusembikwakhe.
14 Livi laJehova labese lidvuma emazulwini+ njengekudvuma kwelitulu;
Losetikwako Konkhe wenta livi lakhe levakala.+
16 Kujula kwelwandle kwase kuyabonakala;+
Tisekelo temhlaba tabonakala ngenca yekwekhuta kwaJehova,
Nangenca yemoya lonemandla lophuma emakhaleni akhe.+
17 Welula sandla sakhe asetulu;
Wangibamba futsi wangenyula emantini lashonako.+
18 Wangikhulula esitseni sami lesinemandla,+
Wangikhulula kulabo labangitondzako lebebanemandla kunami.
19 Bamelana nami ngelilanga ngehlelwa yinhlekelele,+
Kodvwa Jehova wangisekela.
22 Ngobe ngitilandzele tindlela taJehova,
Futsi angikamshiyi Nkulunkulu wami ngekutsi ngente lokubi.
25 Shengatsi Jehova anganginika umvuzo ngobe ngilungile,+
Anginike umvuzo ngobe ngimsulwa embikwakhe.+
26 Umuntfu locotfo umphatsa ngebucotfo;+
Umuntfu longasoleki umphatsa kahle;+
27 Wena ubaphatsa kahle labo labamsulwa,+
Kodvwa labangaketsembeki angeke bakhone kukukhohlisa.+
30 Ngingakhona kulwa nemasotja lahlaselako nangisitwa nguwe;
Ngingakhona kucanca lubondza ngemandla lavela kuNkulunkulu.+
Usihlangu sabo bonkhe labakhosela kuye.+
32 Ngobe ngubani longuNkulunkulu ngaphandle kwaJehova?+
Futsi ngubani lolidvwala ngaphandle kwaNkulunkulu wetfu?+
33 Nkulunkulu weliciniso uyindzawo yami levikelekile nalecinile,+
Futsi utawenta indlela yami icondze.+
34 Wenta tinyawo tami tifane netenyamatane;
Ungenta ngime etindzaweni letiphakeme.+
35 Tandla tami uticeceshela imphi;
Imikhono yami iyakhona kugoba butjoki belitfusi.
38 Ngitawutigijimisa titsa tami ngiticotfule;
Ngeke ngijike tingakacotfulwa.
39 Ngitaticedza tonkhe ngiphindze ngitifihlite, kuze tingaphindzi tivuke;+
Futsi ngitatincoba.
42 Bakhalela lusito kodvwa kute longabasindzisa;
Baze bakhale nakuJehova kodvwa akabaphendvuli.+
43 Ngitabagaya bacolisakale babe njengelutfuli lwemhlabatsi;
Ngibanyatsele njengeludzaka lwasetitaladini futsi ngibacedze nya.
44 Utangikhulula kubantfu labahlale bafuna emaphutsa kimi.+
45 Bantfu betive batawuta embikwami bachachateliswa kwesaba;+
Labakuvako ngami kutawubabangela kutsi bangihloniphe.*
46 Bantfu baletinye tive batawuphelelwa sibindzi;*
Batawufika baveva bavela etindzaweni tabo tekukhosela.
47 Jehova uyaphila! Alidvunyiswe Lidvwala lami!+
Shengatsi angaphakanyiswa Nkulunkulu, lolidvwala lensindziso yami.+