Longakusho Ngabomagazini

Sicongosekulindza June 1

“Utawuvumelana nami kutsi bantfu labanyenti lamuhla benta tintfo letimbi kulabanye. Ucabanga kutsi kulungile yini kutiphindziselela? [Lindzela imphendvulo, bese ufundza Roma 12:19, 21.] Lesihloko sisisita sibone indlela lesingabuyisela ngayo lokubi ngalokuhle.” Khulumela sihloko lesicala ekhasini 16.

Phaphama! June

“Esikhatsini lesinyenti emasontfo ayababhadalisa bantfu kute ababhabhatise, abashadise kanye nalapho abangcwabela. Ucabanga kutsi loku kulungile yini? [Lindzela imphendvulo.] Asewunake nangu umyalo Jesu lawuniketa bafundzi bakhe. [Fundza Matewu 10:7, 8b.] Lesihloko siveta loko liBhayibheli lelikushoko ngekubhadalisa bantfu nasibentela imisebenti lehlobene nenkholo.” Khulumela sihloko lesicala ekhasini 22.

Sicongosekulindza July 1

“Ngekungafanani neminyaka leyendlulile, emasontfo lamanyenti lamuhla awakhulumi ngesono. Ucabanga kutsi sono siyintfo leseyiphelelwe sikhatsi yini, nobe siyintfo lokufanele sikhatsateke ngayo? [Lindzela imphendvulo, bese ufundza Roma 5:12.] Lomagazini uveta loko liBhayibheli lelikushoko ngesono.”

Phaphama! July

“Simo semnotfo lamuhla sibangela kukhatsateka lokukhulu. Bantfu labangasebenti bacindzetelekile, kantsi nalabo labasebentako bakhatsateka ngekulahlekelwa misebenti. Ucabanga kutsi leseluleko singasisita yini kute sibeketele? [Fundza Matewu 6:34, bese ulindzela imphendvulo.] Lomagazini usiniketa tindlela lesingayigcina ngayo imali, kanye nekutsi singayilawula njani imiva yetfu.”