“Singakanani Sikhatsi Lokufanele Ngisibike?”

Wake watibuta yini lowo mbuto? Ticondziso letimayelana naloku titfolakala emakhasini 86-87 encwadzi letsi “Ukuhlelelwa,” letfolakala ngesiZulu. Ngaletinye tikhatsi siniketwa letinye ticondziso letengetiwe, njengaleso lesiseBhokisini Lembuto leliku-Msebenti Wetfu WeMbuso wa-September 2008, ngesiZulu. Njengobe timo tehlukahluka, kute luhla lwemitsetfo lesiniketwe lona. Ngako-ke, labadzala nobe labanye bantfu akukafaneli babeke imitsetfo leyengetiwe mayelana nalendzaba.

Nangabe kuvela umbuto futsi kute sicondziso lesibhalwe phansi mayelana naleyo ndzaba, naku ummemeteli ngamunye lokufanele akucabangele: Lesikhatsi ngisicitse ensimini yini, nobe ngisicitse ngenta letinye tintfo letingasiyo incenye yemsebenti wekushumayela? Loko lesikubhalako inyanga ngayinye embikweni wetfu wemsebenti wekushumayela kufanele kusinikete injabulo hhayi kutsi kusente sidliwe ngunembeza. (Imis. 23:1) Intfo lesikhatsateka ngayo kakhulu akusiyo indlela yekubala sikhatsi, kodvwa kutsi sikhatsi lesisicitsa ensimini sisisebentise kahle.—Heb. 6:11.