Utawuzuza Yini Kuloluhlelo LwesiNgisi Lesimelula?

Sicongosekulindza lesifundvwako sesiyatfolakala ngesiNgisi lesimelula. Loluhlelo lwentelwe (1) bamemeteli labakhuluma siNgisi labatawuzuza emagameni lalula lasetjentisiwe kuso, ngesizatfu sekutsi bafundze kancane; (2) bamemeteli labangakhulumi siNgisi njengelulwimi lwabo lwekucala; (3) bantfu labasebasha, lokufaka ekhatsi labasafundza sikolwa; kanye (4) nalesibafundzela liBhayibheli labadzinga lulwimi lolulula,nalolucacile kute bacondze timfundziso teliBhayibheli.

Tinombolo tetigaba, imibuto, kanye netihloko tiyafanana nete-Sicongosekulindza sesiNgisi lesivamile. Lokwatiswa kufana ncamashi kodvwa kusetjentiswe emagama lamelula. Umchubi wesifundvo se-Sicongosekulindza kanye nalofundza tigaba batawusebentisa sesiNgisi lesivamile ngaphandle kwalapho linyenti lalabakhona baphetse sesiNgisi lesimelula. Imibhalo lecashuniwe, kanye nemifanekiso lesetjentisiwe iyafanana futsi labaphetse lesi sesiNgisi lesimelula batawukhona kulandzelela nakufundvwa tigaba baphindze baphendvule.

Nobe ngabe ngubani locabanga kutsi utawuzuza kuloluhlelo, angafaka li-oda encekwini yamagazini.