Sibonelo Setinshumayelo Lesingatisebentisa

Indlela Yekucala Tifundvo TeliBhayibheli NgeMgcibelo Wekucala Ku-April

“Bantfu labanyenti bacabanga kutsi nguSathane lobangela bubi lamhlabeni kodvwa bayatibuta kutsi ‘wadalwa ngubani Sathane? Wadalwa nguNkulunkulu yini?’ [Lindzela imphendvulo.] Asewuve naku lokushiwo lapha.” Mkhombise likhasi lelingemuva ku-Sicongosekulindza sa-March-April bese nifundza sigaba sekucala nembhalo lokhonjiwe. Mhambisele lomagazini uhlele kubuya nitococa ngembuto lolandzelako.

Sicongosekulindza March-April

“Bantfu labanyenti bakholelwa kutsi umuntfu nakafa ufe ufile futsi ngeke siphindze simbone. Ngicela kuva umbono wakho ngalendzaba. [Lindzela imphendvulo.] Ngicela kukufundzela umbono waNkulunkulu ngebantfu labafile. [Fundza Matewu 22:31, 32.] Injongo yaNkulunkulu yekuvusa bantfu labafile itawufezeka nakanjani ngobe utsatsa ngekutsi labafile sebavele bayaphila. Sihloko lesisekhasini 7 kulomagazini sikhuluma kabanti ngalenjongo yaNkulunkulu.”

Phaphama! April

“Budlova basekhaya buyinkinga yemhlaba wonkhe. Labanye batsi lokunye lokufaka sandla kubo ngimihambo yebantfu, indlela umuntfu lakhule ngayo nekubukela budlova. Ucabanga kutsi iyini imbangela lenkhulu yebudlova basekhaya? [Lindzela imphendvulo.] LiBhayibheli liveta budlelwane lokufanele bube khona emkhatsini wendvodza nemkayo. [Fundza Efesu 5:33.] Lomagazini ukhuluma ngendlela timiso teliBhayibheli letisite ngayo leminye imishado kutsi ingacitseki.”