Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-May

“Uke watibuta yini kutsi kungenteka kutsi toni letinjengami nawe tibe nebuhlobo lobuhle naNkulunkulu? [Lindzela imphendvulo.] Ngicela kukukhombisa naku lokujabulisako ngalendzaba.” Niketa umuntfu lococa naye Sicongosekulindza sa-April-June bese nicoca ngekwatiswa lokungephansi kwesihlokwana lesisekhasini-17 lokungenani kanye nembhalo munye. Mhambisele lomagazini uphindze uhlele kubuya kute nitococa ngembuto lolandzelako.

Sicongosekulindza April-June

“Bantfu labanyenti bakholwa kutsi Jesu unguNkulunkulu. Wena ucabanga kutsini? [Lindzela imphendvulo.] Asewunake naku lokwashiwo nguJesu ngebuhlobo bakhe naNkulunkulu. [Fundza Matewu 27:46.] Jesu wakhombisa kutsi wehlukile kuNkulunkulu futsi ungephansi kwakhe ngekutsi asebentise emavi latsi “Nkulunkulu wami.” Lomagazini usiniketa bufakazi lobunyenti lobusekelwe eBhayibhelini lobuveta kutsi Jesu akasuye Nkulunkulu.

Phaphama! May

“Cishe wonkhe umuntfu lesike sakhuluma naye utsi wake waphatfwa kabi. Ucabanga kutsi sikhona yini sisombululo salenkinga yekungaphatfwa kahle kwebantfu? [Lindzela imphendvulo.] Naka nasi siphrofetho lesikhuluma ngembusi lotawucedza kungaphatseki kahle kwebantfu. [Fundza Tihlabelelo. 72:11-14.] Lomagazini ukhuluma ngesetsembiso selikusasa lelihle lokukhulunywa ngalo eBhayibhelini.”