Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-June

“Kubhajatiswa sinyatselo lesibalulekile kumaKhristu. Uke watibuta yini kutsi yini loyidzingako kute ubhajatiswe? [Lindzela imphendvulo.] Naka lokushiwo ngulomagazini.” Niketa lomuntfu lococa naye Sicongosekulindza sa-April-June bese ucoca naye ngekwatiswa lokusesihlokwaneni sesibili ekhasini 17 bese nifundza lokungenani umbhalo munye. Mhambisele lomagazini uphindze uhlele kubuya.

Sicongosekulindza April-June

“Uke watibuta yini kutsi kungani Nkulunkulu avumele iNdvodzana yakhe kutsi ihlupheke iphindze ife? [Lindzela imphendvulo.] Lalela kutsi Jesu watsi kungani kwadzingeka afe. [Fundza Matewu 20:28.] Sihloko lesisekhasini 7 kulomagazini sichaza indlela longazuza ngayo ngekufa kwaJesu.”

Phaphama! June

“Umnyaka ngamunye tigidzi tebantfu emhlabeni wonkhe tiguliswa kudla lokungakaphephi. Ngembono wakho, kuphephe kangakanani kudla lesikudlako endzaweni yangakitsi? [Lindzela imphendvulo.] Lomagazini uchaza tindlela letine lesingavikela ngato imindeni yetfu ekuguleni lokubangelwa kudla lokungakaphephi. Uphindze uchaze setsembiso seliBhayibheli sekutsi masinyane sonkhe sitawujabulela kudla lokunyenti nalokunemphilo.” Fundza Tihlabelelo 104:14, 15.