Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala ku-June

“Bantfu labanyenti etindzaweni lesihlala kuto baya eSontfweni ngawo onkhe emaSontfo, kodvwa kuncane labakwatiko ngeliBhayibheli. Ucabanga kutsi yini ledzingekako kuze sicondze liBhayibheli?” Lindzela imphendvulo. Ngemva kwaloko, mkhombise likhasi lelingemuva leSicongosekulindza sa-May-June bese ucoca naye ngekwatiswa lokusembutweni wesibili, nifundze lokungenani munye umbhalo. Mnikete labomagazini bese uhlela kubuyela.

Phawula: Lenshumayelo kumelwe kwentiwe umboniso wayo emhlanganweni lochutjwa kusengakayiwa ensimini ngaJune 1.

Sicongosekulindza May-June

“Sonkhe sike safelwa ngulesisondzelene nabo. Ucabanga kutsi siyoke siphindze sibabone yini? [Lindzela imphendvulo] Naka kutsi liBhayibheli lisiniketa liphi litsemba. [Fundza Imisebenti 24:15.] Libhokisi lelisekhasini 6 lisiniketa imininingwane leminyenti ngelitsemba lekuvuswa kwalabafile.”

Phaphama! June

“Singatsandza kuva umbono wakho kunayi indzaba. Kungokwemvelo kufuna kuphila kahle. Ucabanga kutsi singakutfola yini kuphila lokunjalo ngekutsenga tintfo letinyenti? [Lindzela imphendvulo.] Naka nankha emavi lashiwo nguJesu. [Fundza Lukha 12:15.] Lomagazini ukhuluma ngendlela lokufanele siwutsatse ngayo umcebo lesinawo uphindze usinikete tindlela letilusito tekutsi singayisebentisa kanjani imali.”