Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-October

“Cishe bantfu labanyenti bayathantaza ngaletinye tikhatsi, kodvwa labanye beva shengatsi Nkulunkulu akayilaleli imithantazo yabo. Ucabanga kutsi yini lokufanele siyente kute Nkulunkulu alalele imithantazo yetfu?” Lindzela imphendvulo. Mkhombise likhasi lekugcina le-Sicongosekulindza sa-September-October bese nicoca ngekwatiswa lokusembutweni wesibili kanye nembhalo munye lokhonjiwe. Mnike bomagazini bese uhlela kubuya.

Sicongosekulindza September-October

“Singatsandza kuva umbono wakho ngalokushiwo ngulombhalo. [Fundza 1 Johane 4:8.] Bantfu labanyenti bayavumelana nalamavi, kantsi labanye bacabanga kutsi Nkulunkulu unelunya ngobe ubangela aphindze avumele tinhlekelele temvelo. Uyini umbono wakho ngaloko? [Lindzela imphendvulo.] Sihloko lesisekhasini 14 kulomagazini siveta indlela Nkulunkulu lativa ngayo ngekuhlupheka.”

Phaphama! October

“Ngingatsandza kuva umbono wakho ngalombuto: Kungenteka yini kutsi senetiseke nangabe site tintfo letinyenti ekuphileni? [Lindzela imphendvulo.] Ase unake loko lokushiwo liBhayibheli. [Fundza 1 Thimothi 6:8.] Lomagazini uveta umbono lokufanele sibe nawo ngetintfo lesinato ekuphileni uphindze ucoce ngetintfo letintsatfu letibalulekile letingeke titsengwe ngemali.”