Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-October

“Bantfu basetinkholweni letehlukehlukene futsi bakhonta Nkulunkulu ngetindlela letingafanani. Ucabanga kutsi Nkulunkulu utiva njani ngaloko? [Lindzela imphendvulo.] Ase unake loko Jesu lakufundzisa ngelendzaba.” Fundzani ndzawonye loko lokusesihlokwaneni sekucala ekhasini 16 le-Sicongosekulindza sa-October-December kanye nembhalo lowodvwa lokhonjiwe. Mnike lomagazini, futsi uhlele kubuya kute nicoce ngembuto lolandzelako.

Sicongosekulindza October 1

“Kufanele yini bantfwana bafundziswe ngaNkulunkulu nabasebancane, nobe kuncono kutsi ulindze kute kube ngulapho sebakhulile futsi ubavumele kutsi batikhetsele inkholo yabo? [Lindzela imphendvulo.] Naka kutsi liBhayibheli liyala bobabe kutsi benteni. [Fundza Efesu 6:4.] Lomagazini uveta letinye tindlela batali labangafundzisa ngato bantfwana babo ngaNkulunkulu.”

Phaphama! October

“Lamuhla sivakashela imindeni. Nguyiphi insayeya lenkhulu longatsi batali bahlangabetana nayo nabakhulisa bantfwana? [Lindzela imphendvulo.] Batali labanyenti betsembela eBhayibhelini kute batfole sicondziso. Sibonelo saloko kutsi lokushiwo liBhayibheli kulusito kakhulu ekuyaleni bantfwana. [Fundza Efesu 4:31.] Lomagazini ukhombisa indlela seluleko seliBhayibheli lesingabasita ngayo batali etigabeni letehlukahlukene tekukhula kwemntfwana kusukela aseluswane ate afike esigabeni sekutfomba.”