Tinshumayelo Letisibonelo

Kucalisa Tifundvo TeliBhayibheli NgeMgcibelo Wekucala Ku-October

“Sivakashela bomakhelwane betfu kafishane kuze sicoce ngembuto lokhatsata bantfu labanyenti. Kunetinkholo letinyenti endzaweni yetfu, ngako singabona ngani kutsi nguyiphi inkholo yeliciniso?” Lindzela imphendvulo. Mkhombise likhasi lelingemuva le-Sicongosekulindza saSeptember-October bese nicoca ngendzaba lengephansi kwembuto wesibili futsi lokungenani nifundze munye umbhalo kulekhonjiwe. Mnike lomagazini bese uhlela kuphindze ubuye.

Sicongosekulindza September-October

“Njengobe Nkulunkulu angabonakali, singamati njani? [Lindzela imphendvulo.] LiBhayibheli liyachaza kutsi singamati njani. [Fundza Roma 1:20.] Ngekusho kweliBhayibheli, singamati Nkulunkulu ngisho nobe angabonakali. Lomagazini uchaza kabanti ekhasini 8. Niketa umnikati welikhaya lomagazini.”

Phaphama! October

“Sivakashela bantfu kafishane kuze sibasite batfole imphendvulo yanangu umbuto. [Mkhombise likhasi lekucala lalomagazini.] Ucabanga kutsi umuntfu kufanele anjinge yini kuze aphumelele? [Lindzela imphendvulo.] LiBhayibheli lisiniketa umbono lofanele endzabeni yemcebo. [Fundza Lukha 12:15.] Ngekusho kweliBhayibheli wonkhe umuntfu angaphumelela. Lomagazini uyakuchaza loko.”